Fota ilustracyjnaje

Fota ilustracyjnaje

Havorka idzie pra žyły dom №20 (pavodle hienpłana). Jon budujecca ŭ rajonie vulic Šaranhoviča, Hareckaha i Rafijeva. Heta novy mikrarajon №2 (2-ja čarha budaŭnictva).

Žyły dom zaprajektavany panelnym na asnovie typavoj sieryi M-464M-16. Budynak budzie składacca z čatyroch padjezdaŭ, 16-ci pavierchaŭ i 256-ci kvater.

Žyllo ŭ novabudoŭli budzie z azdableńniem. Ścieny abklejać špalerami, stoli pafarbujuć, u sanvuźle pakładuć plitku, u žyłych pakojach — linoleum.

Ciapier u dolevym budaŭnictvie prapanujuć usie kvatery ŭ domie. U pieršuju čarhu žyllo pryznačana dla šmatdzietnych siemjaŭ, jakija stajać na ŭliku tych, chto maje patrebu ŭ palapšeńni žyllovych umoŭ, u administracyjach rajonaŭ Minska (pa napramkach).

Hetaj katehoryi hramadzian prapanujecca:

  • 4 adnapakajovyja kvatery;
  • 124 dvuchpakajovyja kvatery;
  • 128 trochpakajovych kvater.

Košt kvadratnaha mietra — 2 278 rubloŭ (kala 730 dalaraŭ za mietr).

Dom pačali budavać 1 žniŭnia, a zdać u ekspłuatacyju majuć namier 30 listapada 2024 hoda.

Dla zaklučeńnia damovy nieabchodna asabistaja prysutnaść, pašpart (identyfikacyjnaja karta) i nakiravańnie administracyi rajona Minska. Taksama patencyjny dolščyk pavinien być hatovy apłacić ciaham 20 rabočych dzion 10% ad ahulnaha koštu abjekta dolevaha budaŭnictva.

Čytajcie taksama:

U jakich rajonach Minska budujuć najbolš kvater

U Minsku pradajuć kvateru Uładzimira Mulavina

I navat kuchnia jość dla Barbi. U Minsku pradajecca kvatera niezvyčajnaj formy

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?