Fota: instahram Atelier Royal

Fota: instahram Atelier Royal

«Pra kankurencyju nie dumała, nie adčuvała jaje tut»

U Biełastok kaliści pierajechała maci Darji i ŭ 2007-m pieraviezła dačku. Tam dziaŭčyna pastupiła ŭ miascovy ŭniviersitet dziaržaŭnaha kiravańnia na mižnarodnyja adnosiny. Padčas vučoby jana stała cikavicca kaśmietałohijaj.

«Paśla mahistratury prajšła praktyku ŭ sałonie, tam mnie prapanavali pracu, pahadziłasia. Ideja adkryć svoj kabiniet źjaviłasia, kali ja ŭžo zajmałasia praktykaj.

Varta adznačyć, što ŭ Biełarusi kaśmietołah — heta śpiecyjalist ź miedycynskaj adukacyjaj. U Polščy inakš», — raskazvaje dziaŭčyna.

Muž Darji — palak. Jon pracuje chirurham.

«Muž robić batulinaterapiju (adzin ź injekcyjnych mietadaŭ razhładžvańnia marščyn. — «NN»), pracedury z hijałuronavaj kisłatoj, liftynh nitkami, injekcyjnuju miezaterapiju (uviadzieńnie pad skuru roznych kompleksaŭ aktyŭnych rečyvaŭ. — «NN»). Aproč takich pracedur, jak manikiur, piedykiur, naroščvańnie viejek, ja zajmajusia jašče «biełaj kaśmietykaj» — padrychtoŭkaj skury da bolš surjoznych pracedur», — kaža jana.

Dla pracy Darja i jaje muž zdymajuć kabiniet u Biełastoku. Ukłaści ŭ kaśmietyčny biznes daviałosia 30 tysiač złotych (kala 7 550 dalaraŭ) — siudy ŭvachodziła arenda pamiaškańnia za miesiac, mebla, rehistracyja firmy, asnoŭnyja aparaty, rekłama.

«Usio rabili pastupova, adrazu nie było mahčymaści nabyć usio. Plus tady taki vid pradprymalnictva, jak u nas, možna było zarehistravać tolki na hramadzianina Polščy, tamu afarmlali na muža.

Kali ja vyrašyła, što budziem pracavać dla siabie, nie było nijakich sumnievaŭ, atrymajecca ci nie, nie dumała pra niejkuju kankurencyju. Ja nie adčuvała tut jaje», — raskazvaje Darja.

«Mnie zdajecca, što polki bolš hladziać na moładź, chočuć usio pasprabavać»

U 2018-m za arendu kabinieta para płaciła 1500 złotych (440 dalaraŭ). Košt ciapier zastaŭsia taki ž samy.

Pavodle słoŭ Darji, ź finansavymi ciažkaściami sutyknulisia tolki padčas pandemii.

«Ludzi byli napałochanyja kavidam. Niekalki miesiacaŭ u mianie byŭ nul [klijentak], a potym pačali znoŭ chadzić», — kaža jana.

Kuplaje dziaŭčyna patrebnuju kaśmietyku dla pracedur u aptovaj kramie. Tam jość srodki, jakija niedastupnyja zvyčajnamu pakupniku. 

«Nabyć ich moža tolki toj, chto maje firmu, — tłumačyć Darja. — Muž taksama nabyvaje patrebnyja materyjały praz aptovyja kramy, internet-kramy ci praz pradstaŭnikoŭ. Tam hladziać dakumienty, jakija paćviardžajuć, što jon doktar. Batulin, naprykład, kupić možna tolki pa recepcie ŭ aptecy, pieravozka jaho ažyćciaŭlajecca ŭ śpiecyjalnym pieranosnym chaładzilniku».

Darja raskazvaje, što polki vielmi lubiać kłapacicca pra siabie.

«Žančyny va ŭzroście 50+ svabodna mohuć sabie raz na miesiac dazvolić pajści na kaśmietałahičnyja i estetyčnyja pracedury. Biełaruski, viadoma, u takim uzroście redka naviedvajuć kaśmietołaha.

Mnie zdajecca, što polki bolš hladziać na moładź, chočuć ŭsio pasprabavać. Tut takaja reč, što čym raniej pačać, tym lepš. Previentyŭna takija pracedury, jak botaks, miezaterapija treba rabić da 30-ci hadoŭ.

Mužčyny, darečy, da nas prychodziać na elektrakaahulacyju (vydaleńnie roznych skurnych utvareńniaŭ). Byŭ chłopiec, jakomu muž admoviŭ u absłuhoŭvańni, tamu što niepaŭnaletni», — kaža jana.

«Z dapamohaj hijałuronavaj kisłaty možna papravić nos, kali da płastyčnaj apieracyi čałaviek nie hatovy»

Uładalnica biznesu adznačaje, što ciapier u cełym isnuje trend na luboŭ da siabie.

«Šmat kažuć pra toje, što siabie treba lubić, pavažać, dobra stavicca. Žančyny ŭsprymajuć kaśmietałohiju jak mahčymaść niešta palepšyć u sabie.

Vialiki ŭpłyŭ akazvaje internet, asiarodździe, moda. Bačym niejkuju idealnuju vyjavu, jakaja nam padabajecca, chočam być padobnymi da hetaha ideału. Psichałahičny aśpiekt tut maje vialikaje značeńnie, kali čałaviek choča adčuvać siabie kamfortna. Naprykład, z dapamohaj hijałuronavaj kisłaty možna papravić nos, kali kłaścisia na płastyčnuju apieracyju čałaviek nie hatovy.

Ja kaliści skarystałasia idejaj, što pryhažość adkryvaje lubyja dźviery: dahledžanaja žančyna moža dabicca vialikich vyšyń. Mianie za heta krytykavali.

Ale znoŭ ža, jak pahladzieć: niechta voźmie rozumam, niechta — pryhažościu», — razvažaje jana.

Kali chtości z klijentak nastojvaje na tym, kab dadać bolš botaksu, a heta budzie niemetazhodna, u pracedury admoviać.

«Kali prychodzić klijent i kaža, što «ja chaču, jak u pani Chalinki», [majučy na ŭvazie niejkuju znajomuju], to muž admaŭlaje ŭ pracedury. Pierad umiašańniem zaŭsiody prachodzić kansultacyja, jon tłumačyć, što takaja ž kolkaść botaksu na inšym čałavieku takoha efiektu nie zrobić.

U mianie była situacyja, naprykład, kali dziaŭčyna chacieła viejki, jak u siabroŭki, a ŭ jaje tak zrabić nie atrymałasia b, tamu što inšaja anatomija voka», — kaža Darja.

Jak časta treba rabić ukoły pryhažości? Botaks nielha paŭtarać raniej, čym praz dva-try miesiacy. Z hijałuronavaj kisłatoj — indyvidualna. U adnych jana raspuskajecca chutka, u inšych — nie. Heta zaležyć ad taho, jak u kaho ŭtvarajucca novyja niervova-ciahlicavyja kantakty. 

Niekalki miesiacaŭ tamu kaśmietałahičny servis atrymaŭ śpiecyjalny pryz ad Paŭła Libiera na konkursie Free Belarus Business Award.

«Heta hrašovy pryz, nazyvać kankretnuju sumu nie budu. Darečy, daviedałasia što za pryz, voś tolki ŭ lipieni. Patracić płanujem na abnaŭleńnie niekatoraj mebli, kaśmietyčnyja preparaty, aparaturu», — kaža ŭładalnica biznesu.

Niekalki hadoŭ tamu ŭ pary byli dumki pačać pracavać jašče ŭ Varšavie. Była mahčymaść zdymać tam kabiniet pasutačna.

«Ale ŭ majho muža nie atrymałasia z asnoŭnaj pracaj, tamu pakinuli hetuju ideju. Viadoma, chočacca sałon ź piersanałam, ale dla takoha treba budzie zrabić surjoznyja ŭkładańni», — padsumoŭvaje Darja.

Čytajcie taksama:

«Chočacca ŭsich abniać i razam papłakać». Nieviasiołaja historyja biełaruskaha ajcišnika-sieńjora ŭ Polščy, jakomu ledź chapaje hrošaj da zarobku

«Ja nie jahnia i ich nie bajusia» — uładalnik klinik «Novy zrok» Aleh Kaŭryhin daŭ vialikaje intervju

«Ciažka biez ajcišnikaŭ i turystaŭ». Historyja biełarusa, jaki pačynaŭ kala stanka «Biełšyny», a ciapier vałodaje sietkaj seks-šopaŭ

Клас
9
Панылы сорам
0
Ха-ха
3
Ого
1
Сумна
1
Абуральна
2