Resurs bellit.info paŭstaŭ ź inicyjatyvy Mižnarodnaha sajuza biełaruskich piśmieńnikaŭ i budzie źmiaščać aktualnuju infarmacyju pra padziei ŭ litaraturnym śviecie, farmavać virtualnuju encykłapiedyju biełaruskaj litaratury.

Aŭtary prajekta tak bačać svaju misiju:

«Pišam pra litaraturu ŭ Biełarusi i pa-za jaje miežami, paviedamlajem pra navinki vydaviectvaŭ, akumulujem najaŭnuju infarmacyju pra biełaruskich litarataraŭ biezadnosna da ŭzrostu i času naradžeńnia, movu i styl piśma (bijahrafistyku, niekrapalistyku, archiŭnyja danyja), źbirajem źviestki pra litaraturnuju pieryjodyku, vydaviectvy, anłajn-prajekty, u tym liku aŭdyjavizualnyja, i bazu ekranizacyj litaraturnych tvoraŭ. Usie hetyja baki litaraturnaha žyćcia buduć adlustroŭvacca ŭ adpaviednych raździełach: «Piersanalii», «Biblijateka», «Miedyja», «Aŭdyja», «Videa», «Archiŭ», «Niekropal».

«Biezumoŭna, my budziem havaryć i pra litaraturu inšych krain, kab mieć mahčymaść razhladać biełaruskaje słova ŭ šyrejšaj pierśpiektyvie, ale najpierš pryśviecim našu pracu svajoj litaratury», — havorycca ŭ prezientacyjnym pres-relizie prajekta.

Mižnarodny sajuz biełaruskich piśmieńnikaŭ — niedziaržaŭnaja niekamiercyjnaja arhanizacyja, zasnavanaja ŭ 2022 hodzie ŭ Vilni. Mety arhanizacyi — pašyreńnie prastory biełaruskaj litaratury ŭ śviecie, infarmavańnie biełaruskich litarataraŭ i hramadskaści, abarona aŭtarskaha prava, arhanizacyja litaraturnych mierapryjemstvaŭ, adukacyjnych prajektaŭ u śfiery litaratury i litaraturaznaŭstva jak u Biełarusi, tak i pa-za jaje miežami.

Arhanizacyja paŭstała ź inicyjatyvy piśmieńnika i pierakładčyka Dźmitryja Płaksa.

Čytajcie taksama:

Atruta dla mužoŭ i dyktataraŭ

«Luby tekst nie ŭ vieršavanaj formie dla mianie pakuta». Paetka Nasta Kudasava raskazała, jak pačała pisać, jak piša i ci zadavolenaja svaimi tvorami

Uładzimir Karatkievič. Sakrety kultavaha piśmieńnika

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?