KFC

Fota: Office Life

Fota: Office Life

Kolkaść ustanoŭ: 83.

Kali źjaviŭsia ŭ Biełarusi: 2015 h.

Pachodžańnie brenda: ZŠA.

Uładalnik (abo frančajzi): «Bieł Fud servis», «KreatyŭFudS-Uschod».

Najbujniejšuju ŭ krainie pavodle achopu sietku raźvivajuć dva frančajzi. U «Bieł Fud servisu», jaki nie našmat apiaredziŭ svaich kalehaŭ pa časie vychadu na rynak, siońnia 54 restarany. U kampanii «KreatyŭFudS-Uschod» — 29. Bolšaja častka restaranaŭ brenda — 44 — pracuje ŭ stalicy.

COFIX

Kolkaść ustanoŭ: 48.

Kali źjaviŭsia ŭ Biełarusi: 2018 h.

Pachodžańnie brenda: Izrail.

Uładalnik (abo frančajzi): «Urban Sneki».

Sproby stvaryć bujnuju sietku kaviarniaŭ u Biełarusi byli i raniej. Ale Cofix, jakaja pracuje pa izrailskaj franšyzie, adnaznačna abyšła ŭsich. Praŭda, akramia piaci kaviarniaŭ u Hrodnie i adnoj u Minskim rajonie, usie astatnija znachodziacca ŭ miežach MKAD.

BURGER KING

Kolkaść ustanoŭ: 45.

Kali źjaviŭsia ŭ Biełarusi: 2015 h.

Pachodžańnie brenda: ZŠA.

Uładalnik (abo frančajzi): «Burhier BK».

Hety prajekt u siaredzinie 2010-ch vyvieŭ na ajčynny rynak uładalnik najbujniejšaha FMCG-dystrybjutara «Mostra-hrup» Siarhiej Tkačuk. Ciapier amal pałova ŭsioj sietki Burger King u Biełarusi — 21 restaran — pracuje ŭ Minsku.

«DADO PICA»

Fota: Office Life

Fota: Office Life

Kolkaść ustanoŭ: 41.

Kali źjaviŭsia ŭ Biełarusi: 2018 h.

Pachodžańnie brenda: Rasieja.

Uładalnik (abo frančajzi): «Pica Star», «SmakServis hrup».

Sietkaj piceryj, jakuju zasnavaŭ rasiejec Fiodar Aŭčyńnikaŭ, na biełaruskim rynku kiruje kampanija Vadzima Tkačuka — syna restaratara Burger King, jaki zhadvaŭsia vyšej. Da taho jak padpisać frančajzinhavuju damovu z rasiejcami, Vadzim Tkačuk niekalki hadoŭ «treniravaŭsia» na inšym piceryjnym brendzie — Sbarro.

Niadaŭna kankurencyju z «Dado» jamu pasprabavali skłaści ŭładalniki kampanii «SmakServis hrup», jakija taksama nabyli franšyzu na brend. Jany paśpieli adkryć adnu piceryju, ale ŭžo ŭ 2021-m ich kampanija i zakusačnaja taksama stali kantralavacca Tkačukom-małodšym.

Z usioj kolkaści ŭstanoŭ «Dado Pica» 19 raźmiaščajucca ŭ Minsku.

DOMINO`S

Kolkaść ustanoŭ: 35.

Kali źjaviŭsia ŭ Biełarusi: 2015 h.

Pachodžańnie brenda: ZŠA.

Uładalnik (abo frančajzi): «Daminośpica».

Jašče adnu sietku piceryjaŭ u krainie razam z partniorami raźvivaje były kiraŭnik pradstaŭnictva Unilever, eks-uładalnik kampanii-dystrybjutara «Tybietrej» i taksama były saŭładalnik kramaŭ «Rubloŭski» Alaksiej Łojka.

HOTFIX

Kolkaść ustanoŭ: 28.

Kali źjaviŭsia ŭ Biełarusi: 2018 h.

Pachodžańnie brenda: Biełaruś.

Uładalnik (abo frančajzi): «Chotfiks».

Hetaja kavavaja sietka — plon namahańniaŭ biełaruskich biznesmienaŭ. Sa svaim źjaŭleńniem jana adstała ad svajho hałoŭnaha kankurenta Cofix na niekalki miesiacaŭ i praciahvaje dychać jamu ŭ patylicu ŭ hetaj nišy.

Sioleta jaje ŭładalniki płanavali vychad na rynak Rasiei, ale praz sychod adnaho z partnioraŭ hetaha nie zdaryłasia.

MAK.BY

Kolkaść ustanoŭ: 27.

Kali źjaviŭsia ŭ Biełarusi: 2023 h.

Pachodžańnie brenda: Biełaruś.

Uładalnik (abo frančajzi): «KSB Viktary restarany».

Mcdonald's prysutničaŭ na biełaruskim rynku z 1996 hoda, pieradaŭšy ŭ 2014-m miascovy biznes u franšyzu kazachstancu Kajratu Baranbajevu. Letaś jon byŭ zatrymany na radzimie, a ŭ sakaviku 2023-ha asudžany na 8 hadoŭ. Zrešty, na pačatku lipienia prysud biznesoŭcu skasavali.

Paśla sychodu Mcdonald's na biełaruskija restarany sprabavaŭ pretendavać jaho pravapierajemnik u Rasiei — stvoranaja na bazie miascovych «Makaŭ» novaja sietka «Vkusno — i točka». Ale ŭ Biełarusi vyrašyli iści svaim šlacham i pad kiravańniem raniejšaha apieratara pierazapuścili restarany pad brendam Mak.by.

«PICA TEMPA»

Kolkaść ustanoŭ: 22.

Kali źjaviŭsia ŭ Biełarusi: 2002 h.

Pachodžańnie brenda: Biełaruś.

Uładalnik (abo frančajzi): «Navita».

Adzin z najstarejšych sietkavych brendaŭ na hetym rynku źjaviŭsia ŭ ramkach biznes-sajuza, jaki stvaryła dla prajektaŭ u aptovym («Ścima»), roźničnym handli («Susiedzi») i hramadskim charčavańni hrupa biełaruskich i litoŭskich pradprymalnikaŭ. Samyja viadomyja imiony hetaha abjadnańnia — Aleh Dzialendzik i Ałma Jaŭncemienie. Apošniaja doŭhi čas kuryravała mienavita kirunak hramadskaha charčavańnia.

«VASILKI»

Kolkaść ustanoŭ: 18.

Kali źjaviŭsia ŭ Biełarusi: 2010 h.

Pachodžańnie brenda: Biełaruś.

Uładalnik (abo frančajzi): «Navita».

U 2010 hodzie paśla pośpiechu «Tempa Pica» jaje ŭładalniki vyrašyli inviestavać i ŭ nacyjanalnuju kuchniu. Hety prajekt taksama atrymaŭsia paśpiachovym i ciapier hienieruje bolšuju častku dachodaŭ «Navity». U 2021-m jaje ŭładalniki surjozna vyvučali varyjant maštabavańnia «Vasilkoŭ» na rasiejski rynak, ale potym ź nieviadomych pryčyn pieradumali.

DONER KING

Kolkaść ustanoŭ: 17.

Kali źjaviŭsia ŭ Biełarusi: siaredzina 2010-ch.

Pachodžańnie brenda: Biełaruś.

Uładalnik (abo frančajzi): «Aŭtsorsinh Karparejšn».

Zamykaje top pradstaŭnik papularnaha siońnia farmatu šaŭrmičnych. U sietku inviestavali ŭładalniki adnaho z pryvatnych miasapierapracoŭčych zavodaŭ «Hieorhij i Syny» i za minuły čas zrabili jaje lidaram u svajoj nišy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?