U TikTok nabrała papularnaść videa dziaŭčyny Maryny, čyj muž pracuje raspracoŭščykam. Jana dzielicca, jak vyhladajuć ich miesiačnyja traty na siamju z dvuch čałaviek.

Pa jaje słovach, na ekspłuatacyju mašyny ŭ siamji pajšło 173 rubli (na zapraŭku i apłatu parkovak), na kamunalnyja płaciažy i elektryčnaść — 69 rubloŭ. Na zdaroŭje (zdača analizaŭ) było patračana 735 rubloŭ, na adzieńnie — 74 rubli.

Na pradukty charčavańnia pajšło 646 rubloŭ. Pry hetym siamja dva razy na miesiac robić bujnyja zakupy. Adzin raz maładyja ludzi jeździać na aptovy rynak u Tabary i pa darozie zajazdžajuć u «Jeŭraopt». Druhaja vialikaja zakupka robicca ŭ «Jeŭraopcie» i na rynku ŭ mikrarajonie. Akramia taho, pradukty nabyvajucca ŭ susiednim z domam «Hipa».

Vydatki na zabavy (z ulikam taho, što pryjazdžali ŭ hości baćki i nabyvalisia takija drobiazi, jak marožanaje padčas prahułak pa horadzie) skłali 350 rubloŭ, na suviaź (telefon, internet, internet-padpiski) vydatkavali 97 rubloŭ, abiedy muža pa-za domam (try razy) — 36 rubloŭ i 158 rubloŭ pajšło na ałkahol.

Istotnuju dolu vydatkaŭ (659 rubloŭ) skłała apłata zaniatkaŭ maładych ludziej z repietytaram pa anhlijskaj movie.

Na bytavyja vydatki (pralnyja paraški, tualetnaja papiera i inšaje) pajšło 55 rubloŭ.

Usiaho vydatki za miesiac u pary skłali 3055 rubloŭ, ź jakich amal pałova pajšła na zdaroŭje i vučobu.

Pra vydatki siamji prahramistaŭ, jakaja składajecca z dvuch čałaviek i dvuch katoŭ, u tyktoku raspaviała raspracoŭščyca Viktoryja. Usie ceny jana ahučyła ŭ dalarach.

Na nabyćcio praduktaŭ i bytavoj chimii siamja patraciła 309 dalaraŭ, dastaŭku charčavańnia dla muža (siamja zakazvaje hatovyja łanč-boksy) — 338, kavu i roznyja łasunki — 150, dastaŭku ježy i restarany — 282.

Vydatki na zaniatki abaich anhlijskaj movaj z repietytaram skłali 450 dalaraŭ.

Zaniatki dziaŭčyny tancami i stretčynham kaštavali 153 dalary, śpiecyjalnyja tufli dla tancaŭ — 110, a novy kupalnik — 130. Na nabyćcio kaśmietyki pajšło 152 dalary. Na pracedury pa dohladzie dziaŭčyna patraciła 115 dalaraŭ, a muž — 50.

Minimalnyja ramontnyja raboty ŭ kvatery abyšlisia ŭ 146 dalaraŭ, a voś za novyja štory daviałosia vykłaści 520.

Zapraŭka mašyny kaštavała 160 dalaraŭ na miesiac, kamunalnaja płata za kvateru skłała 60 dalaraŭ.

Na žyvioł (charčavańnie, vieterynarnyja tavary i pasłuhi) siamja vydatkavała 235 dalaraŭ.

Na apłatu kredytaŭ i avierdraftaŭ pajšoŭ 441 dalar.

Usialakija dadatkovyja vydatki (apteka, nabyćcio torta i inšaje) skłali 127 dalaraŭ.

Usiaho za miesiac siamja ajcišnikaŭ patraciła 4071 dalar. Pry hetym maładyja ludzi zdoleli adkłaści 2300 dalaraŭ.

Jak možna zaŭvažyć, u kožnaj siamji svaje pryjarytety i padychody da vydatkaŭ. 

A kolki tracicie vy za miesiac žyćcia? Pišycie ŭ kamientarach.

Čytajcie jašče:

«Kali zusim nie ekanomić, to chopić na 2-3 hady». Ajcišniki raskazali, kolki zmohuć pražyć na svaich zapasach, kali prosta ciapier zastanucca biez pracy

Ajcišniki pa zarobkach ciapier tolki na trecim miescy

«Ciahajuć «Rołtan» i tualetnuju papieru». Što ajcišniki vynosiać dadomu z ofisa

Čym charčujucca biełarusy i kolki heta kaštuje

Клас
1
Панылы сорам
7
Ха-ха
5
Ого
4
Сумна
0
Абуральна
2

Chočaš padzialicca važnaj infarmacyjaj ananimna i kanfidencyjna?