Skrynšot ź videaŭryŭka sa śmiašarykami, zhienieravanaha niejrasietkaj

Skrynšot ź videaŭryŭka sa śmiašarykami, zhienieravanaha niejrasietkaj

Piersanažy papularnaha multfilma razyhryvajuć nievialikija scenki pa temach, jakija zadajuć hledačy. Sustrakajucca takija, jak «Kroš vyrašyŭ ustupić u PVK «Vahnier» abo toj ža Kroš «vyrašyŭ zachapić Polšču».

U pieršym vypadku trusik Kroš kaža pra toje, što ŭstupiŭ u hrupu «Vahniera», pakolki chacieŭ adčuć siabie hierojem, u toj čas jak vožyk sprabuje dakazać surazmoŭcu, što heta «surjoznaja vajskovaja arhanizacyja». U druhim vypadku trusik uśviadomiŭ, što ŭ jaho vielizarnyja ambicyi i jon choča kiravać «nie tolki śmiašarykami, ale i ŭsioj Polščaj». Vožyk paryruje tym, što śmiašaryki — mirnyja istoty, jakim nie patrebnyja «ŭłada i zachopy», ale Kroš śćviardžaje, što heta budzie «epičnaja pryhoda».

Jak śćviardžajuć stvaralniki strymu, jany «nievialikaja hrupa padletkaŭ, jakim pryjšła ideja zrabić adaptacyju» anałahičnaha niejrasietkavaha šou na asnovie piersanažaŭ «Hubki Boba», jakoje tranślujecca na płatformie Discord. Strym «Niejrašarykaŭ», u jakim zhadvaŭsia PVK «Vahnier», byŭ vielmi chutka zabłakavany na jutubie.

Adnym ź pieršych padobnych niejrašou była tranślacyja na Twitch, u jakoj piersanažy sitkama «Sajnfiełd» razyhryvali zhienieravanyja z dapamohaj štučnaha intelektu scenki. Jana była spynienaja paśla taho, jak štučny intelekt zhienieravaŭ nietalerantnyja žarty dla adnaho ź virtualnych piersanažaŭ pra ŁHBTK+ supolnaść. 

Čytajcie taksama:

Rasija druhi raz za sutki ŭdaryła pa Charkavie, jość paciarpiełyja

U Łuhansku prahrymieli vybuchi. Rasijanie zajaŭlajuć pra vykarystańnie kasietnych bojeprypasaŭ

Ukrainskija vojski vyzvalili siało Staramajorskaje Danieckaj vobłaści. Voś što heta značyć

Клас
0
Панылы сорам
5
Ха-ха
5
Ого
1
Сумна
0
Абуральна
7