Uładzimir Sieliviorstaŭ z hubiernataram Tulskaj vobłaści Alaksiejem Dziuminym

Uładzimir Sieliviorstaŭ z hubiernataram Tulskaj vobłaści Alaksiejem Dziuminym

Pryčynaj adchileńnia, taksama jak i ŭ vypadku niadaŭniaj hučnaj adstaŭki kamandujučaha 58-j ahulnavajskovaj armijaj Paŭdniovaj vajennaj akruhi hienierał-majora Ivana Papova, nazyvajecca kanflikt z vyšejšym armiejskim kiraŭnictvam. To-bok z načalnikam hienštaba Hierasimavym i ministram abarony Šajhu, jak piša «Politika strany».

Charakterna, što rasijskija pabliki ilustrujuć paviedamleńni ab adchileńni Sieliviorstava jaho sumiesnym fota z hubiernataram Tulskaj vobłaści Alaksiejem Dziuminym. Samo pa sabie heta fota nie dziŭnaje, bo štab 106-j dyvizii znachodzicca ŭ Tule, a samo padraździaleńnie časta nazyvajuć «Tulskaj pavietrana-desantnaj dyvizijaj».

Adnak u kantekście padziej, jakija adbyvajucca ŭ RF, jano dosyć pakazalnaje.

Bo Dziumina jašče da buntu nazyvali kurataram PVK «Vahnier» i Pryhožyna. Pa raspaŭsiudžanaj viersii, metaj najezdaŭ Pryhožyna na Šajhu i Hierasimava była ich adstaŭka i zamiena na Dziumina i Suravikina adpaviedna. Navat paśla pravału buntu «pryhožynskaja» sietka telehram-kanałaŭ praciahvała pisać, pra toje, što Dziumina nibyta pryznačać na pasadu ministra abarony, a Suravikina — na pasadu načalnika hienštaba.

Adnak pakul padziei razhortvajucca roŭna ŭ advarotnym kirunku. Suravikin źnik z suviazi, a vojenačalnikaŭ, blizkich da jaho i da Dziumina (adnaho z samych nabližanych da Pucina ludziej), adchilajuć z pasad.

Miž tym u siecivie źjaviŭsia zvarot padnačalenych u abaronu kamandujučaha PDV hienierała Michaiła Ciaplinskaha, jakoha nibyta taksama chočuć adpravić u adstaŭku. Hetuju infarmacyju taksama aficyjna nie paćvierdzili. 

Клас
22
Панылы сорам
1
Ха-ха
21
Ого
1
Сумна
1
Абуральна
7