Fota: aficyjnaja fejsbuk-staronka 12-j miechanizavanaj armiejskaj bryhady Polščy

Fota: aficyjnaja fejsbuk-staronka 12-j miechanizavanaj armiejskaj bryhady Polščy

Pavodle aficyjnaj infarmacyi 12-j polskaj miechanizavanaj armiejskaj bryhady, jana razam z 17-j miechanizavanaj bryhadaj u najbližejšy čas pačnie nakiroŭvać značnyja siły da miažy ź Biełaruśsiu.

Havorka idzie pra adpraŭku adnoj tysiačy sałdat i amal 200 adzinak vajskovaj techniki, jakija dapoŭniać na biełaruskim napramku 2000 sałdat, 5000 pamiežnikaŭ i 500 palicyjantaŭ, jakija ŭžo znachodziacca tam.

Praces adpraŭki dadatkovych vajskoŭcaŭ pačniecca 8 lipienia.

«U ramkach apieracyi «Biaśpiečnaje Padlašša» zaŭtra my razam z 17-j miechanizavanaj bryhadaj pačniom značnaje pieramiaščeńnie sałdat i techniki da miažy ź Biełaruśsiu. Prosim kiroŭcaŭ u centralnaj, paŭnočnaj i ŭschodnich častkach Polščy zahadzia pradumvać svoj maršrut z ulikam prajezdu vialikich vajskovych kałon», — zajavili ŭ 12-aj polskaj miechanizavanaj bryhadzie.

Asnoŭnaj metaj hetych manieŭraŭ, pa słovach vajskoŭcaŭ, źjaŭlajecca «demanstracyja polskaj voli» na fonie budučaha samitu NATA ŭ Litvie i roznych pahroz, jakija zychodziać z terytoryi Biełarusi.

Nahadajem, što niadaŭna ŭ adkaz na raźmiaščeńnie rasijskaj jadziernaj zbroi ŭ Biełarusi Polšča aficyjna źviarnułasia da ZŠA z prośbaj raźmiaścić u siabie amierykanskuju jadziernuju zbroju ŭ ramkach śpiecyjalnaj prahramy NATA.

Čytajcie taksama:

Prezident Polščy zajaviŭ, što jaho kraina budzie zmahacca za vyzvaleńnie ŭsich biełaruskich palitviaźniaŭ

Amal sotnia mihrantaŭ prarvałasia ź Biełarusi na terytoryju Polščy

U Litvie časova adnavili ŭnutrany pamiežny kantrol na miažy z krainami ES

Клас
44
Панылы сорам
3
Ха-ха
3
Ого
1
Сумна
1
Абуральна
0

Chočaš padzialicca važnaj infarmacyjaj ananimna i kanfidencyjna?