«Jość adčuvańnie, što, pa-pieršaje, heta dzieści zamylvajecca z Dniom Pieramohi: vielmi blizka kareluje. Pa-druhoje, jechała na prahramu pa horadzie, była z ranicy na ŭskładańni [kvietak], hladžu — vielmi šmat kancertnych placovak. Dzień u nas vychadny: subota, niadziela, paniadziełak. 

Dzie bolšaja častka? Za horadam adpačyvajuć i, prabačcie za ščyraść, asabliva pra Dzień Niezaležnaści nie dumajuć», — skazała viadoŭca Alona Syrova. 

Jana pastaviła pytańnie: ci nie varta zrabić 3 lipienia pracoŭnym? 

«U mianie ŭźnikaje takoje pytańnie, mahčyma, kab nie było kryŭdna artystam, jakija imknucca, vykonvajuć svaje chity na placoŭkach navat u samych maleńkich haradskich rajonach. Zrazumiełaja sprava, što ich tamaka prychodziać pasłuchać nie tak šmat ludziej. Moža być, z punktu hledžańnia ekanomiki znoŭ ža, 3 lipienia nie rabić vychadnym dniom, a rabić pracoŭnym, a ŭviečary ŭsim razam adpačyvać?» — zadała jana pytańnie. 

Dźmitryj Šaŭcoŭ, hienieralny sakratar Biełaruskaha tavarystva Čyrvonaha Kryža, nie pahadziŭsia. Jon ličyć, što jakraz toje, što heta vychadny, i zamacoŭvaje ŭ hałovach biełarusaŭ, što hety dzień śviatočny. 

«Staŭleńnie dziaržavy da śviataŭ jakraz i pakazvajecca, jaki dzień vychodny, jaki dzień pracoŭny, jaki dzień važniejšy. Tamu, kali my zrobim Dzień Niezaležnaści ci 9 Maja pracoŭnym dniom, my pryjdziem na pracu i skažam: «Sa śviatam», — i ŭsio. I chutka my sami nivielirujem značnaść hetaha śviata», — skazaŭ jon.

«Tady, mahčyma, varta padyści da napaŭnieńnia hetaha śviata?» — spytała Syrova, nie ŭdakładniajučy, čaho joj nie chapiła 3 Lipienia.

«Heta inšaje pytańnie. Razumiejecie, jak by my jaho ni napaŭniali, choć z kožnaha dvara budzie hrać muzyka, artyst budzie vystupać, toj, chto zachoča pajechać na daču, jon usio roŭna pajedzie, jon i ŭ subotu pajedzie, i praz try dni pajedzie», — zaŭvažyŭ Šaŭcoŭ.

Клас
3
Панылы сорам
13
Ха-ха
180
Ого
1
Сумна
3
Абуральна
3