Fota: «Naša Niva»

Fota: «Naša Niva»

Da taho ž u chatniaha ŭlubionca, jakomu ŭvieś čas sumna, moža sapsavacca charaktar. U pieršuju čarhu havorka idzie pra bolš tavaryskich sabak, ale katy taksama mohuć adčuvać nudu i pieražyvać jaje nastupstvy. Jak prajaŭlajecca hetaja emocyja ŭ katoŭ i što rabić, kab kot (ci koška) pierastali sumavać, piša Obozrevatel.

Samaja pieršaja prykmieta taho, što katu sumna, — heta schilnaść da destruktyŭnych pavodzin.

Žyvioła moža pačać skidać rečy z palic i stałoŭ, drać kipciurami meblu dy inš. Kali kot pačynaje tak siabie pavodzić, možna prosta pasprabavać źviarnuć na jaho ŭvahu. Kali heta sapraŭdy prykmieta nudy, kot z radaściu pieraklučycca na hulni z vami i zabudzie pra svajo žadańnie nanieści škodu.

Kali kot flehmatyčny pa charaktary, jon moža ad nudy stanavicca apatyčnym, zašmat spać, hublać cikavaść da žyćcia. A jaho aktyŭnyja svajaki, naadvarot, pavodziać siabie šumna: biehajuć pa kvatery, kryčać, časam prajaŭlajuć ahresiju da členaŭ siamji i inšych žyvioł.

Kali kot pačaŭ prajaŭlać adzin z hetych simptomaŭ, pasprabujcie pahulać ź im bolš času, prosta pahładźcie. Žyvioła pavinna adčuvać vašu ŭvahu.

Dobry sposab pazbavić kata ad nudy — dać jamu jak maha bolš zabavak. Možna nabyć prostyja cacki abo cełyja hałavałomki, uładkavać domik z paličkami i chovankami, dzie kot zmoža łazić i spać.

Kali charaktar žyvioły dazvalaje, to hulajcie z katom na vulicy. Tady žyvioła zasiarodzicca na vyvučeńni novych terytoryj i pierastanie sumavać. U takim vypadku treba pakłapacicca ab abaronie jaho ad parazitaŭ i pra biaśpieku.

Kali nivodny z hetych sposabaŭ pieramahčy nudu ŭ kata nie dapamahaje, dziŭnyja pavodziny žyvioły mohuć akazacca prykmietaj chvaroby.

Tady treba nieadkładna źviarnucca z katom da vieterynara.

Čytajcie taksama:

U Hiermanii vyjšła kniha pra biełaruskaha kata ź irłandskim imieniem

U Vialikabrytanii kot źbieh ad haspadaroŭ u inšy horad, prajechaŭšy 225 kiłamietraŭ na niekalkich mašynach nieznajomcaŭ

U aeraporcie San-Francyska ŭziali na pracu kata

Źnikły kot uźjadnaŭsia z haspadarami praz 11 hadoŭ

Клас
19
Панылы сорам
2
Ха-ха
2
Ого
4
Сумна
4
Абуральна
3