Michaił Finbierh, jaki pamior u śniežni 2021 hoda na 75-m hodzie žyćcia, šmat hadoŭ byŭ kiraŭnikom Nacyjanalnaha akademičnaha arkiestra Biełarusi. Uznačaliŭ Finbierh hety arkiestr jašče ŭ 1987 hodzie, kali jon byŭ Dziaržaŭnym arkiestram simfaničnaj i estradnaj muzyki, i nie pakidaŭ kiraŭnictva da samaj śmierci.
Mienavita Finbierh byŭ adnym z natchnialnikaŭ i stvaralnikaŭ Nacyjanalnaha fiestyvalu biełaruskaj pieśni i paezii ŭ Maładziečnie, jaki sioleta adznačaje svajo 30-hodździe. Tamu nievypadkova, što mienavita tam pastavili jamu i pamiatnuju šyldu.
Paspryjała hetamu i toje, što Michaił Finbierh ciaham usiaho svajho žyćcia byŭ całkam łajalny da ŭład. Pry Łukašenku jon byŭ členam Savieta Respubliki Nacyjanalnaha schodu na praciahu dvuch sklikańniaŭ, uvachodziŭ u radu pa kultury pry Saviecie Ministraŭ.
A ŭ 2020-m hodzie dyryžor rezka vykazvaŭsia nakont masavych pratestaŭ. Jon ličyŭ, što na vuličnyja akcyi chodziać bandyty.
Čytajcie taksama:
Pamior viadomy dyryžor Michaił Finbierh. Jamu išoŭ 75 hod
Finbierh: Na vuličnyja akcyi vychodziać bandyty. A ściah u mianie adzin — čyrvony
