Fota: «Minsk-Naviny»
Novaja pastanova praduhledžvaje:
vyraŭnoŭvańnie ŭmoŭ realizacyi ajčynnych i impartnych tavaraŭ u roźničnym handli;
paśla źmianieńniaŭ pradstaŭniki roźničnaha handlu pavinny być bolš zacikaŭlenyja ŭ prodažy ajčynnych tavaraŭ;
pamianšeńnie maržynalnaści ŭłasnaha impartu;
spraščeńnie dla vytvorcaŭ uzhadnieńnia adpusknych cen na novyja spažyvieckija tavary.
U pryvatnaści, pavialičvajecca da 20% norma rentabielnaści, pry jakoj nie patrabujecca ŭzhadnieńnia ŭstanaŭleńnia cen na novyja tavary. Taksama vytvorcy vyzvalajucca ad uzhadnieńnia adpusknych cen u suviazi z uviadzieńniem (źmianieńniem) techničnych narmatyŭnych aktaŭ.
Źmianiajecca taksama paradak ustanaŭleńnia aptovych źnižak z adpusknych cen.
Adzinyja praviły stymulujučych vypłat dla vytvorcaŭ i imparcioraŭ pry realizacyi ajčynnych i impartnych tavaraŭ.
Vyraŭnoŭvańnie padychodaŭ dla ajčynnych vytvorcaŭ pry realizacyi tavaraŭ u kramach firmovaha handlu i ŭ svaich internet-kramach.
Zaraz hraničnyja maksimalnyja handlovyja nadbaŭki, ustanoŭlenyja ŭ dadatku 1, mohuć nie prymianiacca pry realizacyi vyrablenych u Biełarusi niecharčovych spažyvieckich tavaraŭ, jakija nabytyja ŭ firmiennych mahazinach abo internet-mahazinach vytvorcy abo subjekta handlu, jaki atrymaŭ prava prodažu tavaraŭ vytvorcy z vykarystańniem tavarnaha znaka abo firmiennaj nazvy.
U roźničnym handli pry farmiravańni cen na niekatoryja tavary, vyrablenyja ŭ Biełarusi, možna na 10% pavialičvać hraničnyja maksimalnyja handlovyja nadbaŭki (z ulikam aptovaj nadbaŭki), a na tavary, što impartujucca, nadbaŭku imparciora pryjdziecca na 10% pamienšyć.
Niaznačnaje ŭdakładnieńnie pieraliku spažyvieckich tavaraŭ, na jakija raspaŭsiudžvajecca cenavaje rehulavańnie.
Pastanova № 713 (3) padrychtavanaja na padstavie prapanoŭ rabočych hrup pa raźvićci ekanomiki rehijonaŭ u sučasnych umovach i ekśpiertnaj rabočaj hrupy, stvoranaj MARH, udakładniajuć va ŭradzie.
Dakumient ustupaje ŭ siłu 10 červienia.
Niadaŭna kiraŭnik MARH Alaksiej Bahdanaŭ paćvierdziŭ, što da kanca hetaha hoda pastanova № 713 dakładna budzie dziejničać, bo jość zadača dasiahnuć 7—8% inflacyi, a z momantu, kali była pryniataja pastanova № 713, inflacyja zapavoliłasia na 12,7%. Taksama byŭ dasiahnuty inšy stanoŭčy efiekt — pavialičana na 1,7% dola biełaruskaj pradukcyi ŭ tavaraabarocie na ŭnutranym rynku.
Vosieńniu 2022 hoda była pryniataja pastanova № 713, jakaja ŭviała rehulavańnie cen na ŭvieś łancužok dastaŭki tavaru da spažyŭca. Jana praduhledžvaje ŭ tym liku ŭzhadnieńnie cen pa šerahu tavaraŭ. U krasaviku 2023-ha ŭ jaje ŭžo ŭnosili niekatoryja źmieny.
