Łazar Jakaŭlevič Mieir (tak jaho zvali pry naradžeńni) źjaviŭsia na śviet ci to 4-ha, ci to 12-ha lipienia 1884 abo 1885 hoda. Jość taksama viersija, što Łazar Mieir naradziŭsia papraŭdzie pad Kijevam.
U pieršyja hady žyćcia Łazara ŭ Rasijskaj impieryi ŭčaścilisia habrejskija pahromy. Heta stała adnoj z pryčyn, čamu siamja Łazara pierajechała ŭ ZŠA, a potym u Kanadu. Tady małomu było kala dvuch hadoŭ.
Łuis Majer i Džaan Kroŭfard, 1953 hod. Fota: Los Angeles Times, Los Angeles Times photographic archive, UCLA Library, Wikimedia Commons
U Kanadzie siamja ciapier užo Łuisa žyła niabiedna. Bolš za toje, sam chłopiec paźniej aženicca ź dziaŭčynaj z bahataj siamji. Heta dapamoža jamu pačać biznes: Łuis Majer pačnie adkryvać kinateatry i skora stvoryć najbujniejšuju sietku ŭ Novaj Anhlii. U 1914 hodzie jon adkryje ŭłasnuju kinakampaniju — ALCO.
Praz 10 hadoŭ ńju-jorkski miljanier Markus Łoŭ kupić kantrolnyja pakiety akcyj troch viadomych kinakampanij, u tym liku i Majera, kab abjadnać ich u karparacyju — Metro-Goldwyn-Mayer, abo prosta MGM. Samoha Łuisa miljanier Łoŭ zrobić vice-prezidentam kinastudyi ź nieabmiežavanymi paŭnamoctvami.
Na praciahu nastupnych 27 hadoŭ pad kiraŭnictvam uradženca Biełarusi MGM budzie adnoj z samych bujnych i paśpiachovych studyj pa vytvorčaści poŭnamietražnych filmaŭ. A emblema firmy — vyjava lva, što rykaje ŭ areole z kinastužki, — stanie viadomaja amataram kino va ŭsim śviecie.
Bolš cikavych videa šukajcie ŭ tyktoku «Našaj Nivy».
a ciapier u Biedarusi biełaruskija pahromy