Aryna Sabalenka. Fota: Rob Prange / Keystone Press Agency
U pieršym secie biełaruska viała 5:0, potym addała piać hiejmaŭ (5:5), sprava dajšła da taj-brejku, u vyniku Aryna pieramahła — 7:6 (7:5). Druhi set taksama nie abyšoŭsia bieź ciažkaściaŭ, ale biełaruska pieramahła — 6:4.
U čverćfinale Sabalenka zhulaje z ukrainkaj Elinaj Śvitolinaj, jakaja pieramahła siońnia rasijanku Darju Kasatkinu — 6:4, 7:6.
Miesiac tamu na turniry ŭ Madrydzie Śvitolina prajhrała Alaksandry Sasnovič i admoviłasia ad tradycyjnaha pocisku ruki. Jana tady nakiravałasia da sudździ na vyšcy, pacisnuła jamu ruku i pajšła da svajoj łaŭki, na Sasnovič navat nie hlanuŭšy.
Dva z pałovaj hady tamu, u studzieni 2021 hoda, Śvitolina była piataja ŭ suśvietnym rejtynhu, a Sabalenka — siomaja. Zaraz Aryna zajmaje druhoje miesca, sastupajučy tolki Izie Śviontak, a Śvitolina — 192-ja (u jaje byŭ pierapynak na zamužža i naradžeńnie ŭ kastryčniku 2022 hoda dački Skaj).
Najlepšym dasiahnieńniem biełarusak na «Rałan Haros» byŭ paŭfinał Viktoryi Azaranka ŭ 2013 hodzie.
Čytajcie taksama:
Lohkaatletka Kryścina Cimanoŭskaja pakazała svoj najlepšy vynik za čatyry hady i ŭziała bronzu
Stanisłaŭ Drahun abviaściŭ pra zaviaršeńnie karjery. Jon byŭ u «čornym śpisie» Minsportu
