Svajmu maciarynstvu Lizavieta pryśviaciła kranalny post, u jakim nazvała dzicia ŭkrainskimi karaniami i ŭkrainskim praciaham jaho baćki. Poł niemaŭlaci Jaśko nie ŭdakładniła, nie paviedamiła, kali mienavita adbylisia rody, piša «Ukrainskaja praŭda».
Heta fota Jaśko i Saakašvili apublikavali ŭ siecivie jašče ŭvosień 2021 hoda
«Nikoli nie mahła ŭjavić, što majo dzicia narodzicca ŭ hetych strašnych realijach vajny dla našaj krainy. U dzień pačatku leta bolšaść z nas nie spali apošnija dni. My nie dumajem pra leta. My dumajem ab abaronie našych dziaciej. Dziaciej, jakija, na žal, nie mohuć mieć biaśpieku ŭ svaim domie praz poŭnamaštabnuju ahresiju Rasii.
Nikoli sabie nie mahła ŭjavić, što pobač na voli i ŭ zdaroŭi nie budzie baćki dziciaci ŭ vielmi važnyja momanty, u jakija my płanavali być razam. Majo dzicia — maja luboŭ. Dla baćki naša dzicia — heta jaho ŭkrainskija karani i ŭkrainski praciah, pra jaki jon maryŭ i tak chacieŭ mieć. Jon hanaryŭsia svaim pašpartam hramadzianina Ukrainy.
Nikoli nie dumała, što naradzić dzicia padčas vajny — heta papraŭdzie strašna. Strašna i vielmi žudasna ad dumak pra budučyniu. My zusim pa-inšamu ŭsio ŭjaŭlali. Abstaviny i realnaść byli zusim inšymi».
Lizavieta stała mamaju ŭpieršyniu, a Michieił — baćkam čaćviorty raz. Fota: sacyjalnyja sietki
Pra raman tady jašče žanataha Saakašvili ź Jaśko stała viadoma ŭ listapadzie 2020-ha. Paźniej žonka eks-prezidenta Hruzii Sandra Rułafs zajaviła, što jaho zdrada była dla jaje niečakanaściu.
U studzieni 2022 hoda vyjaviłasia, što akramia dvuch synoŭ ad eks-žonki ŭ Michieiła jość jašče pazašlubnaja dačka.
Saakašvili znachodzicca za kratami z 1 kastryčnika 2021 hoda, z momantu tajnaha viartańnia ŭ Hruziju napiaredadni miascovych vybaraŭ.
Kali stała viadoma pra ich stasunki, Jaśko adrazu zapeŭniła, što heta kachańnie
Čytajcie taksama:
Skura dy kości: Saakašvili pakazaŭ nastupstvy znachodžańnia pad vartaj
Saakašvili zajaviŭ, što pamiraje
Prezident Hruzii: Saakašvili nie vyzvalać navat z maim pamiłavańniem
