Iłan Mask. Fota: AP
Pryvatny samalot, jakim karystajecca hienieralny dyrektar Tesla Iłan Mask, prylacieŭ u Piekin, piša Reuters.
Čakajecca, što Mask sustreniecca z vysokapastaŭlenymi kitajskimi čynoŭnikami i naviedaje zavod Tesla ŭ Šanchai, jak paviedamili krynicy ahienctva. Heta budzie jaho pieršaja pajezdka ŭ Kitaj za apošnija try hady.
«Było niezrazumieła, z kim Mask sustreniecca va ŭradzie Kitaja i jakija pytańni jany buduć abmiarkoŭvać. Pa stanie na druhuju pałovu dnia aŭtorka dziaržaŭnyja miedyja Kitaja nie paviedamlali pra vizit Maska», — piša Reuters.
Ministerstva zamiežnych spraŭ Kitaja zajaviła, što ŭrad vitaje Maska i inšych biznes-lidaraŭ, jakija imknucca raźvivać «uzajemavyhadnaje supracoŭnictva».
U sakaviku Reuters paviedamiła, što Mask płanuje pajezdku ŭ Kitaj i šukaje sustrečy z premjer-ministram Kitaja Li Cianiem.
a moža i mazhi