Siońnia Preśnienski sud Maskvy budzie razhladać materyjały, na padstavie jakich pavinna vyrašycca pytańnie ab tym, dzie budzie adbyvać pakarańnie Safija, piša «Sputnik».

Dalej rašeńnie suda pa hetym pytańni pavinna być nakiravana ŭ kampietentny orhan Biełarusi dla pryniaćcia kančatkovaha rašeńnia adnosna pieradačy asudžanaj.

Safiju Sapiehu i Ramana Pratasieviča zatrymali roŭna dva hady tamu, 23 maja 2021 hoda, u vyniku prymusovaj pasadki ŭ Minsku rejsa Afiny — Vilnia.

6 maja 2022 hoda dziaŭčynu asudzili na šeść hadoŭ kałonii za źliŭ danych siłavikoŭ.

Prysud Sapieha nie abskardziła, jon ustupiŭ u zakonnuju siłu, paśla čaho jana z kałonii napisała prašeńnie ab tym, kab jaje vydali ŭ RF dla adbyćcia pakarańnia. Hienprakuratura Biełarusi pahadziłasia z tym, kab Sapiehu pieradać Rasii.

Raman Pratasievič byŭ 3 maja 2023 hoda asudžany na vosiem hadoŭ kałonii ŭzmocnienaha režymu, ale 22 maja stała viadoma, što jaho pamiłavaŭ Łukašenka.

Čytajcie taksama: 

«Šalona ŭdziačny krainie i asabista prezidentu». Raman Pratasievič pamiłavany 

«Naša dziaŭčynka ŭsio heta ciahnie, a hety…» Ciotka Safii Sapiehi prakamientavała pamiłavańnie Pratasieviča 

Što moža aznačać pamiłavańnie Pratasieviča? Tłumačać analityki

Клас
1
Панылы сорам
1
Ха-ха
0
Ого
0
Сумна
0
Абуральна
1