Były zasnavalnik i vydaviec «Novaj haziety Smarhoni» Ramuald Ułan u studzieni 2021 hoda byŭ asudžany da 2,5 hoda «chimii». Smarhoncu pastavili ŭ vinu toje, što jon nibyta raspaŭsiudziŭ zaviedama niepraŭdzivyja źviestki, jakija hańbiać honar i hodnaść milicyjanieraŭ. Na minułym tydni stała viadoma, što jaho vyzvalili pa amnistyi.

Akramia Ułana, jak vynikała z hetaha samaha videja, było taksama zatrymana jašče 5 čałaviek, siarod jakich jašče adzin były palitviazień — Dźmitryj Paŭtarak.

Adnak ža krychu paźniej vyjaviłasia, što nasamreč Ramualda Ułana siońnia nie zatrymlivali. Infarmacyja ž pra jaho i inšych zatrymańnie źjaviłasia tamu, što tolki siońnia siłaviki vykłali ŭ svaich kanałach videa, źniataje peŭny čas tamu, kali spadar Ułan jašče znachodziŭsia na «chimii». 

Apieratyŭna praviarać takuju infarmacyju ŭ ciapierašnich umovach pravaabaroncy, na žal, nie zaŭsiody ŭ stanie.

Čytajcie taksama:

Zatrymali Alenu Anisim

Pryznali «ekstremisckim farmavańniem» sajt Most i jaho kiraŭnika

Abłava HUBAZiKa adbyłasia ŭ Breście — traich mužčyn zatrymali za «raspaŭsiud ekstremisckich materyjałaŭ»

Клас
1
Панылы сорам
5
Ха-ха
1
Ого
0
Сумна
0
Абуральна
7