Kiraŭnik Rastransnahladu Viktar Basarhin, vystupajučy ŭ kamitecie transpartu Dziarždumy, zajaviŭ, što pazapłanavyja pravierki niekalkich sotniaŭ avijapradpryjemstvaŭ zafiksavali ŭ kampanijach, jakija vykarystoŭvajuć zachodnija samaloty, «deficyt kamplektujučych vyrabaŭ».

Pa słovach Basarhina, heta źviazana z pavieličeńniem koštu i terminaŭ dastaŭki detalaŭ, u niekatorych vypadkach ich zusim «niemahčyma zavieźci».

Surazmoŭcy vydańnia ŭ «Aerafłocie» i inšych bujnych rasijskich avijakampanijach admaŭlajuć vykarystańnie zapčastak sa skončanym terminam prydatnaści. Pa ich słovach, jany, maŭlaŭ, majuć mahčymaść pryparkavać samaloty ŭ čakańni pastavak kamplektujučych.

Pry hetym ekśpierty ličać, što situacyja z padtrymańniem lotnaj prydatnaści zachodnich samalotaŭ u Rasii budzie paharšacca i pahražaje deficytam fłotu.

U mai vydańnie «Prajekt» paviedamlała, što rasijskija avijakampanii paśla ŭviadzieńnia sankcyj suprać Rasii ŭ suviazi z uvarvańniem va Ukrainu adčuvajuć prablemy z zapčastkami, praź jakija jany ŭ šerahu vypadkaŭ adychodziać ad techničnych rehłamientaŭ i radziej, čym pradpisana, fiksujuć niaspraŭnaści.

Sankcyi, uviedzienyja suprać rasijskaj avijahaliny paśla šyrokamaštabnaha ŭvarvańnia va Ukrainu, praduhledžvajuć zabaronu na pastaŭki ŭ Rasiju avijatechniki, a taksama zabaronu na paloty rasijskich samalotaŭ u krainy, jakija ŭviali sankcyi, i zakryćcio dla ich pavietranaj prastory.

Taksama byli adklikanyja siertyfikaty strachavańnia, a samaloty, nabytyja ŭ lizinh, ad rasijskich avijakampanij zapatrabavali viarnuć (što jany nie zrabili). Z-za hetaha bolšaść rasijskich samalotaŭ zaraz mohuć lotać za miažu tolki ŭ abmiežavanuju kolkaść krain.

Čytajcie taksama:

Biaśpieka samalotaŭ hramadzianskaj avijacyi Rasii pad pahrozaj

Rasijskija avijakampanii pačali raźbirać samaloty na zapčastki

Bloomberg: «Aerafłotu» z-za deficytu zapčastak praz try miesiacy daviadziecca pačać raźbirać svaje samaloty

Клас
4
Панылы сорам
2
Ха-ха
6
Ого
0
Сумна
0
Абуральна
2