Teleintervju pasła Kitaja ŭ Francyi Łu Šaje. Kadr ź videa
Teleintervju pasła Kitaja ŭ Francyi Lu Šaje šviejcarskamu žurnalistu vyklikała šyroki rezanans.
Adkazvajučy na pytańnie ab tym, ci zjaŭlajecca Krym častkaj Ukrainy, Lu Šaje skazaŭ, što ŭsio zaležyć ad taho, jak hladzieć na hetaje pytańnie. «Pierš za ŭsio… Krym pieršapačatkova naležaŭ Rasii, ci nie tak? A potym Chruščoŭ, u savieckija časy, pieradaŭ Krym Ukrainie», — skazała Šaje.
Žurnalist zapiarečyŭ, što pa mižnarodnym pravie Krym zjaŭlajecca častkaj Ukrainy.
Šaje adkazaŭ jamu, što pa mižnarodnym pravie byłyja respubliki Savieckaha Sajuza nie majuć nijakaha statusu. «U mižnarodnym pravie byłyja savieckija dziaržavy navat nie majuć statusu… jak by heta skazać… faktyčnaha statusu ŭ mižnarodnym pravie, tamu što niama mižnarodnaha dahavora, jaki materyjalizavaŭ by ich suvierenitet», — zajaviŭ pasoł Kitaja.
Na vykazvańni kitajskaha dypłamata adreahavali ŭ MZS Łatvii. U paniadziełak u ministerstva dla tłumačeńniaŭ vyklikali ŭpaŭnavažanaha pavieranaha ŭ spravach ambasady KNR u Ryzie, piša Delfi.
«Bieručy pad uvahu nieprymalnyja zajavy pasła Kitaja ŭ Francyi ab mižnarodnym pravie i nacyjanalnym suvierenitecie, Ministerstva zamiežnych spraŭ Łatvii patrabuje tłumačeńniaŭ», — napisaŭ kiraŭnik MZS Łatvii Edhars Rynkievič u Twitter.
Rynkievič zaznačyŭ, što hety krok uzhodnieny ź Litvoj i Estonijaj.
Pa słovach kiraŭnika MZS Litvy Habryelusa Łandśbierhisa, zajava kitajskaha dypłamata tłumačyć, čamu Piekin nie moža być pasrednikam u pieramovach pa ŭstalavańni miru va Ukrainie.
«Kali kamuści ŭsio jašče cikava, čamu krainy Bałtyi nie daviarajuć Kitaju jak «pasredniku ŭ dasiahnieńni miru va Ukrainie», to voś kitajski pasoł, jaki śćviardžaje, što Krym zjaŭlajecca rasijskim, a miežy pamiž našymi krainami nie majuć nijakich pravavych padstaŭ», — skazaŭ jon.
«Na praciahu mnohich hadoŭ Zachad kazaŭ, što ekanamičnaje supracoŭnictva pierakanaje dyktataraŭ padtrymać mižnarodny paradak, zasnavany na praviłach. Ale ŭsio, što my rabili, — heta karmili ich ekanomiku, dazvalajučy im parušać usie praviły. Kitaj robić staŭku na toje, što my paŭtorym hetuju pamyłku. Pryjšoŭ čas pasprabavać niešta inšaje», — napisaŭ Łandśbierhis u Twitter.
Ministr zamiežnych spraŭ Estonii Marhus Cachkna taksama asudziŭ słovy pasła Kitaja.
«Ministerstva zamiežnych spraŭ Estonii płanuje vyklikać pradstaŭnika KNR u Estonii, i, kali spatrebicca, prainfarmavać jaho ab našaj historyi. Naša meta — dać zrazumieć, što takija pohlady nieprymalnyja i što Estonija — suvierennaja dziaržava», — skazaŭ Cachkna.
Čytajcie taksama:
Kiraŭnica MZS Hiermanii zaklikała Kitaj paŭpłyvać na Rasiju dla zakančeńnia vajny
Čym tłumačycca niezvyčajna pampiezny pryjom Makrona ŭ Piekinie
Hieapalityčnaja hulnia Kitaja: jakuju rolu vykonvajuć Pucin i Łukašenka?
— vstupať v nieposriedstviennyje snošienija s inostrannymi hosudarstvami, zaklučať s nimi sohłašienija i obmienivaťsia dipłomatičieskimi i konsulskimi priedstavitielami (st. 18-a Konstitucii SSSR 1936 h.);