Vyjava: Pixabay

Vyjava: Pixabay

Huhłaŭski braŭzier Chrome atrymaŭ pryrost chutkaści. Zhodna z apublikavanaj 13 krasavika abjavaj, Google unios niekalki schavanych palapšeńniaŭ u pradukcyjnaść svajho papularnaha praduktu, što pryviało da palapšeńnia pradukcyjnaści na Mac i Android. Paviedamlajecca, što sieryja karekcirovak dazvoliła Chrome na 10% pavialičyć test braŭziera na epłaŭskim Speedometer 2.1 na praciahu troch miesiacaŭ. A dla niekatorych pryład test pakazaŭ paskareńnie na 30%.

Źmieny ŭklučajuć šerah udaskanaleńniaŭ: ad palapšeńnia kešavańnia da lepšaha kiravańnia pamiaćciu.

Vyjava: Google

Vyjava: Google

Niahledziačy na ​​skarhi karystalnikaŭ ciaham mnohich hadoŭ na marudlivaść, Chrome pa raniejšamu trymaje lidarstva na rynku veb-braŭzieraŭ. TechCrunch paviedamlaje, što huhłaŭski pradukt zajmaje 64,8% doli suśvietnaha rynku, a jaho nastupny kankurent Safari maje ŭsiaho 19,5% na ŭsich płatformach. A siarod desktopavych braŭzieraŭ dola Chrome navat vyšejšaja — 65,8%, za im iduć Edge i Safari.

Google padrabiazna patłumačyŭ, jakija mienavita źmieny byli zroblenyja. Zacikaŭlenyja techničnyja śpiecyjalisty mohuć ź imi aznajomicca niepasredna ŭ paviedamleńni ŭ błohu.

Choć bolšaść techničnych detalaŭ dla zvyčajnaha karystalnika nie budzie ŭjaŭlać cikavaści, prynamsi adna moža paradavać karystalnikaŭ navat inšych braŭzieraŭ. Tak, adno z udaskanaleńniaŭ, uniesienych Google, taksama pryniasie karyść dla WebKit — miechanizmu veb-ahladalnika, raspracavanaha Apple, jaki vykarystoŭvajecca ŭ Safari. Heta aznačaje, što navat bolš karystalnikaŭ zmohuć ubačyć palapšeńni, a nie tolki karystalniki Chrome.

Čytajcie taksama:

Novaja mabilnaja prahrama ad Google dazvolić vam lohka pieradavać fajły pamiž PK i Android

Štučny intelekt: jak Google płanuje pierachapić lidarstva ŭ hetaj halinie 

Ciapier Google moža pierakładać tekst z malunkaŭ u internecie

Клас
7
Панылы сорам
0
Ха-ха
1
Ого
4
Сумна
1
Абуральна
1