Boeing 737-800

Boeing 737-800 avijakampanii «Pobieda». Fota: Wikimedia Commons

Pra heta piša Wall Street Journal. Na kaniec 2022 hoda z 969 samalotaŭ, jakija ekspłuatujucca hramadzianskaj avijacyjaj Rasii, 77% składali samaloty typu Boing i Airbus SE.

Na zachodnija madeli samalotaŭ pryjšłosia 97 % usich pasažyrskich pieravozak, jakija skłali za minuły hod amal 95 miljonaŭ pasažyraŭ. I heta nasupierak sankcyjam, jakija byli ŭviedzieny paśla pačatku vajny z Ukrainaj.

Padobna, što ciapier nastupiła krytyčnaja para. Sotni rasijskich samalotaŭ dasiahnuli etapu techničnaha absłuhoŭvańnia. Za 2023 hod hetaja ličba jašče pavialičycca na niekalki socień.

Techničnaje absłuhoŭvańnie zvyčajna byvaje dvuch typaŭ («S» i «D»). Pravierka pa typie «S» adbyvajecca prykładna kožnyja dva hady. Jana patrabuje vyvadu samalota z ekspłuatacyi na pieryjad da adnaho miesiaca.

Značna bolš składanaja pravierka typu «D». Jana zajmaje niekalki miesiacaŭ i pravodzicca raz na 6—10 hadoŭ. Pry joj raźbirajecca amal uvieś samalot i aceńvajecca na najaŭnaść paškodžańniaŭ i karozii.

Tolki ŭ 2022 hodzie pravierku typu «S» pavinna było prajści kala 170 rasijskich samalotaŭ i 55 — pravierku «D». U 2023 hodzie — adpaviedna 159 i 85 samalotaŭ.

Va ŭmovach sankcyj rasijski bok samastojna vykonvaje krytyčnyja pravierki, jakija raniej pravodzilisia zamiežnymi kampanijami. Apošnim časam staŭ adčuvalnym deficyt zapasnych častak. Jašče ŭ śniežni 2022 hoda hienieralny dyrektar kampanii «Aerafłot — Rasijskija avijalinii» zajaŭlaŭ, što ŭ kampanii dastatkova zapčastak na najbližejšyja dva-šeść miesiacaŭ. Z toj pary prajšło bolš za try miesiacy.

Da hetaha treba dadać stratu dostupu da anłajn-instrukcyj i dakumientacyi pa likvidacyi niepaładak, abnaŭleńniaŭ PZ, jakimi vytvorcy dajuć mahčymaść karystacca svaim parnioram pa padpiscy.

Sankcyjnyja patrabavańni stroha vykonvajucca jak Airbus, tak i Boeing. Luby pastaŭščyk, avijakampanija abo firma pa techničnym absłuhoŭvańni, jakija pastaviać detali hetych vytvorcaŭ u Rasiju, buduć vyklučany sa śpisa klijentaŭ.

Značna abmiežavanaj stała mahčymaść praviadzieńnia pravierak za miažoju. Šmat jakija krainy (u tym liku Kitaj) admovilisia ad hetaha z-za strachu stracić biznes ź dźviuma viadučymi kampanijami-vytvorcami.

Rasija nie apublikavała statystyku avijabiaśpieki za 2022 hod. Pry hetym nie było nivodnaha paviedamleńnia ŭ presie ab achviarach avaryj kamiercyjnych samalotaŭ.

Va ŭmovach adsutnaści aficyjnych źviestak ad Rasii Mižnarodnaja arhanizacyja hramadzianskaj avijacyi paniziła rejtynh avijacyjnaha siektara da pazicyi «ŭjaŭlaje značnuju zaniepakojenaść biaśpiekaj».

U takich umovach rasijski bok źviartaŭsia da pastaŭščykoŭ zapčastak ź Irana i Turcyi. U studzieni hetaha hoda Vašynhton papiaredziŭ aficyjnych asob u Turcyi, što akazańnie takich pasłuh, jak zapraŭka palivam i prodaž zapasnych častak dla samalotaŭ amierykanskaj vytvorčaści, jakija prylatajuć z Rasii i Biełarusi, moža pryvieści da turemnaha źniavoleńnia, štrafaŭ, straty ekspartnych pryvilejaŭ i inšych mier. U vyniku ŭ sakaviku Turcyja admoviłasia ad absłuhoŭvańnia samalotaŭ ź Biełarusi i Rasii. 

Jak bačym, dla rasijskaj avijacyi nadychodziać ciažkija časy. Šmat budzie zaležać ad taho, ci zdoleje Rasija znajści partnioraŭ u trecich krainach (za miežami tak zvanaha Zachadu).

Čytajcie jašče:

Bort Łukašenki, jaki trapiŭ pad sankcyi ZŠA, pradali Iranu?

Try byłyja barty «Biełavii» ciapier lotajuć na rejsach paŭdniovaafrykanskaj avijakampanii

Клас
33
Панылы сорам
2
Ха-ха
4
Ого
3
Сумна
2
Абуральна
3