Zatrymanyja prynamsi 8 čałaviek. Pa infarmacyi pravaabaroncaŭ, siarod ich byłaja dyrektarka zapaviednika Tamara Džumantajeva, navapołackija fatohrafy Kirył Smalakoŭ i Ihar Supranionak, kandydat fiłasofskich navuk, supracoŭnik Muzieja knihadrukavańnia ŭ Połacku Ihar Bortnik.
Prynamsi, u niekatorych zatrymanych zabrali kampjutarnuju techniku, im zakidajecca nibyta raspaŭsiud «ekstremisckaj» infarmacyi, kamientary, łajki i h.d.
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu. Z 2022 hoda, paśla napadu Rasii na Ukrainu, biełarusaŭ pačali praśledavać taksama za antyvajennyja vykazvańni abo za simpatyi da Ukrainy, jakaja zmahajecca za svaju niezaležnaść i terytaryjalnuju cełasnaść. Za hety čas u krainie adbyłosia kala 50 tysiač palityčna matyvavanych zatrymańniaŭ, zaviedziena kala 12 tysiač palityčna-kryminalnych spraŭ i adkinutyja bazavyja normy zakonnaści i marali.
Čytajcie taksama:
Ministr kultury pryznaŭ deficyt kadraŭ u biełaruskaj kultury. Z hetaj nahody sabrali cełuju naradu
Prajšli pieratrusy ŭ repietytarskim centry «100 bałaŭ»
Za ŭdzieł u pratestach u Minsku zatrymali doktarku i jaje muža
