Samalot Ił-76. Fota ilustracyjnaje
Jak paviedamlaje telehram-kanał Baza, incydent zdaryŭsia ŭčora apoŭdni, kali Ił-76 Vajskova-kaśmičnych sił Rasii źnižaŭsia i niebiaśpiečna nabliziŭsia da pryvatnaha samalota Pilatus HC-12NG, jaki ekspłuatuje biełaruskaja kampanija BySky. Samaloty išli na pierasiakalnych kursach. Na borcie džeta było dva členy ekipaža i adzin pasažyr, jon nakiroŭvaŭsia z kazachstanskaha Uralska ŭ Maskvu. Pra kolkaść ludziej na borcie vajskovaha samalota nie paviedamlajecca.
U momant zbližeńnia haryzantalnaja adlehłaść pamiž bartami była 1,5 kiłamietra, viertykalnaja — mienš za 300 mietraŭ. Spracavała sistema papiaredžańnia ab niebiaśpiečnych zbližeńniach.
Paviedamlajecca, što Rasavijacyja stvaryła kamisiju pa rasśledavańni incydentu. Pavodle papiaredniaj viersii, dyśpietčar nie ŭsačyŭ za adnym z bartoŭ i pozna zreahavaŭ.
Čytajcie taksama:
Bort Łukašenki, jaki trapiŭ pad sankcyi ZŠA, pradali Iranu?
Samalot trapiŭ u turbulentnaść takoj siły, što raskidała ježu, a pasažyraŭ stuknuła ab fiuzielaž
