Ilustracyja: aficyjny sajt PlayStation
Pieršaja častka kultavaha hulniavoha suśvietu The Last Of Us praź dziesiać hadoŭ paśla relizu aficyjna źjaviłasia na kampjutarach.
U adroźnieńnie ad aryhinała 2013 hoda, viersija dla PK vyjšła adrazu z usimi hulniavymi dapaŭnieńniami, a taksama z abnoŭlenaj hrafikaj, palepšanymi bajavymi scenami i vysokaj pradukcyjnaściu.
Da siońniašniaha momantu hulnia ad kampanii Naughtly Dog była dastupna tolki dla karystalnikaŭ PlayStation. A ŭžo zaraz jaje možna znajści ŭ hulniavych kramach Steam i Epic Games.
Siužet pieršaj častki razhortvajecca ŭ postapakaliptyčnaj budučyni, dzie płanietu spustošyła žudasnaja hrybkovaja pandemija, jakaja pieratvaraje ludziej u monstraŭ. Hałoŭny hieroj Džoeł biare na siabie abaviazak supravadzić maleńkuju dziaŭčynku Eli (jakaja maje imunitet da chvaroby) u adnu z dalokich łabaratoryj dla vytvorčaści vakcyny ad infiekcyi.
Usia hulnia pryśviečana mienavita hetamu šlachu, u jakim pamiž dvuma piersanažami pastupova źjaŭlajecca mocnaja prychilnaść i kłopat adno pra adnaho, što zrabiła hetuju historyju vielmi papularnaj siarod hulcoŭ na ŭsioj płaniecie.
Mienavita pa matyvach hetaj hulni byŭ niadaŭna źniaty i vypuščany adnajmienny sieryjał ad kampanii HBO, jaki, pavodle acenak hledačoŭ i recenzij kinakrytykaŭ, staŭ adnym z najlepšych sieryjałaŭ za ŭvieś apošni čas.
Čytajcie taksama:
Supercell zakryvaje dostup da ŭsich svaich hulniaŭ u Biełarusi i Rasii
Čakali dziesiać hadoŭ: rychtujecca novaja viersija Counter-Strike
