Pavodle jaje słoŭ, Hienštab Paŭnočnaj Makiedonii praanalizavaŭ mahčymaść pieradačy techniki Kijevu i daŭ stanoŭčaje zaklučeńnie, na najbližejšym pasiadžeńni ŭrada hetaje pytańnie budzie razhledžana.
Havorka idzie pra viertaloty 1984 hoda vypusku, jakija kraina kupiła va Ukrainy ŭ 2001 hodzie i jakija praktyčna nie vykarystoŭvalisia armijaj Paŭnočnaj Makiedonii, raspaviała jana ŭ intervju telekanału Alsat.
Pry hetym čatyry bajavyja mašyny prajšli madernizacyju ŭ adpaviednaści sa standartami NATO, dadała jana.
Słavianka Piatroŭskaja śćviardžaje, što pieradača viertalotaŭ Kijevu nijak nie adabjecca na bojehatoŭnaści armii Paŭnočnaj Makiedonii.
Akramia taho, pavodle jaje słoŭ, Paŭnočnaja Makiedonija nie płanuje ich vykarystoŭvać, a kali skončycca ich termin ekspłuatacyi, krainie pryjdziecca šukać rašeńnie pa ich utylizacyi.
Słavianka Piatroŭskaja acaniła košt viertalotaŭ, jakija prapanujecca pieradać Ukrainie, u 30 młn jeŭra. Jana adznačyła, što mienš čym za hod Paŭnočnaja Makiedonija atrymała ad ZŠA 139 młn dalaraŭ na kuplu vajskovaj techniki i abstalavańnia.
Raniej Paŭnočnaja Makiedonija pieradała Ukrainie čatyry šturmavyja samaloty Su-25, a taksama tanki T-72, jakija płanavałasia źniać z uzbrajeńnia ŭ najbližejšyja hady.
