Alaksiej Iljinčyk
Kančatkova jamu pradjaŭlenyja abvinavačańni ŭ paklopie na Alaksandra Łukašenku (č. 2 art. 367), abrazie prezidenta (č. 1 art. 368) i raspalvańni inšaj sacyjalnaj varožaści (č. 1 art 130 Kryminalnaha kodeksa).
Spravu razhladaje sudździa Alaksiej Chłyščankoŭ.
Pra zatrymańnie Iljinčyka stała viadoma 18 žniŭnia 2022 hoda paśla taho, jak praŭładnyja telehram-kanały paviedamili, što Alaksieja zatrymali z-za «tvorčaj dziejnaści ŭ interniecie».
Jaho źmiaścili ŭ SIZA, adnak z-za pieraniesienaha pierad hetym insultu Alaksieju pryjšłosia pravieści ŭ balnicy niekalki miesiacaŭ, pakolki reabilitacyja paśla chvaroby była prablemnaj, i pravy bok cieła byŭ paralizavany. Jak paviedamlała «Homielskaja Viasna», Alaksieja doŭhi čas utrymlivali ŭ sančaści, dzie dla jaho nie prymali miedpreparaty. Administracyja SIZA tłumačyła heta tym, što, nibyta, usie nieabchodnyja preparaty dla jaho lačeńnia jość i dapamoha jamu akazvajecca.
Alaksiej Iljinčyk naradziŭsia ŭ Taškiencie, žyŭ doŭhi čas u Homieli. Skončyŭ fiłfak RDHU, vučyŭsia ŭ Litaraturnym instytucie imia Horkaha ŭ Maskvie. Viadomy jak bard, udzielnik i arhanizatar muzyčnych fiestyvalaŭ i kancertaŭ, aŭtar niekalkich knih.
Sudovy praces nad im prachodzić u zakrytym režymie.
