Infarmacyi pra toje, što ŭčora zdaryłasia ŭ Hrodnie ŭ domie pa vulicy Kurčatava, 5, pakul zusim niašmat.
U videa, vykładzienym hrodzienskimi prapahandystami, žychary hetaha doma havorać dastatkova łakanična pra toje, što jany sami čuli i bačyli:
«Čuli vybuch. Jak byccam niešta z dachu ŭpała takoje žaleznaje. Potym pryjechali busy, milicyja», — raspaviała žančyna ź dziciem.
Jašče adna žančyna, viartajučysia ŭ toj dzień z kaścioła, bačyła kala padjezda supracoŭnikaŭ milicyi.
KDB učora abmiežavaŭsia hučnym paviedamleńniem, što «padčas praviadzieńnia śpiecyjalnych mierapryjemstvaŭ pa spynieńni dziejnaści asob, jakija pranikli na terytoryju Respubliki Biełaruś z metaj ździajśnieńnia terarystyčnaj akcyi, 19 sakavika 2023 hoda ŭ Hrodnie na vuł. Kurčatava likvidavany zamiežny hramadzianin Ł. Hetaja asoba z vykarystańniem aŭtamatyčnaj zbroi i šlacham padryvu bajavych hranat akazała ŭzbrojeny supraciŭ bajcam śpiecpadraździaleńnia KDB, hrupy «A».
Taksama ŭčora stała viadoma pra vialikuju kolkaść siłavikoŭ kala doma staršyni Hrodzienskaha abłvykankama. Tudy pryjechała milicyja, słužby raźminavańnia z sabakami. Nijakich aficyjnych kamientaryjaŭ nakont hetaha nie było.
Čytajcie taksama:
Za sutki amal nijakaj aficyjnaj infarmacyi pra stralaninu ŭ Hrodnie
