«Chacieła b ja naviedać hety fiestyval!» — piša Barbara na sajcie Tripadvisor. Padzieja ładzicca raz na hod — u sakaviku. Fota: Barbara M. / Tripadvisor.com
Zamarožany trup dziaduli i fiestyval
Usio pačałosia ŭ 1994 hodzie, kali žychary Niederłenda (štat Kałarada) daznalisia, što Tryhvie Baŭhie, narviežac i haračy prychilnik kryjahieniki, zamaroziŭ svajho dzieda-niabožčyka Breda Morstała i trymaje ŭ chlavie za domam. Haradskija lidary chutka raspracavali pastanovu suprać zachoŭvańnia cieł, adnak z-za vyklikanaha ažyjatažu dla dziaduli Breda ŭ rešcie rešt zrabili vyklučeńnie.
Truhvie zaručyŭsia padtrymkaj miascovaj ekałahičnaj kampanii — jaje hienieralny dyrektar Bo Šafier, prazvany Ledzianym čałaviekam, z 1995 hoda zabiaśpiečvaje chleŭ suchim lodam, jaki patrebny dla padtrymańnia nieabchodnaj tempieratury cieła pamierłaha. U tym ža hodzie miascovy pastaŭščyk Tuff Shed pabudavaŭ dla cieła dziaduli novy chleŭ.
U znak pryznańnia ŭnikalnaha žychara z 2002 hoda ŭ Niederłendzie pačali adznačać štohadovaje śviata — Dni zamarožanaha mierćviaka. Padčas ich prachodziać honki z trunami, parady pachavalnych kartežaŭ i konkursy piersanažaŭ, što nahadvajuć źmiorzłych niabožčykaŭ. Siarod inšych imprez — apuskańnie ŭ ledzianuju pałonku, taniec «Sini šar dziaduli» i prahlad dakumientalnaha filma pra dziadulu Breda — «Dziadula ŭ chlavie Tafa». Najnoŭšuju viersiju stužki —«Dziadula ŭsio jašče ŭ chlavie Tafa» — prezientavali ŭ 2003-m.
Sioletnija promamateryjały fiestyvalu. Fota ź jaho staronki ŭ fejsbuku
Kaviarnia ŭ susiednim horadzie vyrablaje da śviata marožanaje pad nazvaj Frozen Dead Guy sa smakam błakitnaj sadaviny, źmiašanaj sa zdrobnienymi Oreo i horkimi marmieładnymi čarviačkami.
U papiarednija hady ŭdzielnikam taksama prapanoŭvali ekskursii pa chlavie, dzie znachodzicca dziadula Breda, adnak skryniu z zamarožanym čałaviekam uładalniki trymajuć zakrytaj.
Pierakupla pravoŭ
Sioleta za 250 000 dalaraŭ pravy na fiestyval vykupiŭ uładalnik hatelaŭ z susiedniaha miastečka Estes Park — Džon Kalen, paviedamlaje WSJ. Takim čynam fiestyval pierajechaŭ na poŭnač, u Estes Park, što za hadzinu jazdy na aŭto ad Niederłenda.
Vialikaja častka sioletnich imprezaŭ pryśviečanaja hatelu Stanley — bolš jak stohadovamu miescu dla adpačynku, jakoje viadomaje jak krynica natchnieńnia dla ramana žachaŭ Styviena Kinha «Źziańnie».
Hatel «Stenli». Fota: wikipedia.org
U viersii filma 1980 hoda z Džekam Nikałsanam u hałoŭnaj roli hałoŭny hieroj u kancy filma nie moža vybracca z hatelnaha sadu-łabirynta i zamiarzaje ad choładu. Pa słovach Kalena, kali mister Kinh spyniaŭsia ŭ Stanley, aŭtara adnojčy vypadkova zamknuli ŭ staroj ledzianoj chatcy — i mienavita tudy spadar Kalen spadziavajecca źmiaścić dziadulu Breda.
Unuk Tryhvie Baŭhie kaža, što jaho hałoŭnaja meta — pieradać svajho dzieda pad apieku sapraŭdnaj kryjahiennaj ustanoŭki i, u rešcie rešt, kłanavać. Ciapier Kalen i Baŭhie viaduć pieramovy z fondam kryjoniki ŭ Aryzonie, kab možna było stvaryć dla dziaduli sistemu vadkaha azotu ŭ ledzianym domie hatela i kuryravać adukacyjnuju vystavu. Spadar Kalen hatovy płacić 230 000 dalaraŭ ciaham 12 hadoŭ dla ažyćciaŭleńnia idei.
Mer Niederłenda Bili Hiblin pryznajecca, što strata fiestyvalu stała dla žycharoŭ ich horada vialikim rasčaravańniem — bo padzieja pryciahvała vialikuju kolkaść turystaŭ i hrašovych inviestycyj. Adnak strata dziaduli Breda, pa jaho słovach, budzie jašče bolšym udaram. Mer chacieŭ by pierakanać mistara Baŭhie, kab toj źmianiŭ svajo rašeńnie. Ale, na žal, u Niederłenda niama hrošaj, kab zabiaśpiečyć dziadulu naležnaje zachavańnie.
«Ja nie dumaju, što horad Estes-Park razumieje niehatyŭnuju reakcyju, abureńnie i lutaść, jakija prademanstrujuć žychary Niederłenda, kali chtości pasprabuje pieramiaścić Breda, — kaža Mery Mid, kaardynatarka fiestyvalu. — Bo jon žychar Niederłenda».
Čytajcie jašče:
U Smalavickim rajonie stvarajuć pieršyja mohiłki dla chatnich žyvioł
Mahiloŭski psichaterapieŭt: «Chełoŭin robić vas chałujami Zachadu i djabła»
byŭ tut adzin Red., jaki taksama chacieŭ kłanavać...