Jaho abvinavacili pavodle dvuch artykułaŭ Kryminalnaha kodeksa: č. 1 art. 356 (zdrada dziaržavie) i art. 407 (razhałošvańnie danych papiaredniaha śledstva ci zakrytaha sudovaha pasiadžeńnia). Sudździa Vasil Skok pryznačyŭ jamu 10 hadoŭ kałonii va ŭmovach uzmocnienaha režymu i štraf u pamiery 200 bazavych vieličyń (7 400 rubloŭ).
Sud prachodziŭ u zakrytym režymie, tamu padrabiaznaści spravy nieviadomyja. Pa spravie adbyłosia piać sudovych pasiadžeńniaŭ.
Viadoma, što mužčyna byŭ zatrymany ŭ śniežni 2021 hoda i ŭžo bolš za hod znachodzicca za kratami. Andrej pracavaŭ inśpiektaram kryminalna-vykanaŭčaj inśpiekcyi Kastryčnickaha RAUS Hrodna, niezadoŭha da aryštu padaŭ rapart na zvalnieńnie z-za niazhody z tym, jak pracuje sistema.
Padtrymajcie palitviaźnia: Turma № 1, 230023, Hrodna, Kirava, 1, Andrej Viktaravič Šklar.
