Vyrab vaŭnianaha fasada Bukinhiemskaha pałaca z aharodžaj i hvardziejcami na pasadach zaniaŭ u viazalščycy vosiem miesiacaŭ.
Pry hetym jana pracavała pamiž dźviuma apieracyjami na vačach.
Dva hady tamu Marharet Simien źviazała kopiju inšaj karaleŭskaj rezidencyi, Sandrynhiem. Bukinhiemski pałac, jak kaža Simien, u jakoj užo rastuć 13 prapraŭnukaŭ, stanie apošniaj jaje padobnaj pracaj.
Viazany pałac karystajecca vialikaj papularnaściu siarod naviedvalnikaŭ kirmašu.
«Ja ščaślivaja bačyć taki vodhuk. Mnie ciažka tak šmat razmaŭlać, hołas źnikaje, ale heta tak pryjemna, — kaža Marharet. — Niekatoryja padychodziać, stajać z adkrytym rotam, a potym pačynajuć płakać».
Kali Marharet Simien źviazała kopiju karaleŭskaha pałaca ŭ Sandrynhiemie — jon raźmieščany ŭ tym ža hrafstvie Norfałk, jana asabista paznajomiłasia z karalevaj Lizavietaj II.
Reč u tym, što Simien zaprasili pastavić jaje pałac, jaki jana viazała dva hady, u sapraŭdnym Sandrynhiem-chaŭz, i tam da jaje padyšła karaleva.
«Heta byŭ najlepšy momant u maim žyćci, — uspaminaje Simien. — Tak niečakana: prosta niechta zajšoŭ, staŭ pobač sa mnoj, A ja navat nie bačyła, što heta karaleva.
«Kali jana sustrełasia z karalevaj, jana całkam spakojna ź joj pahamaniła, ale voś potym — potym jaje tresła, — uspaminaje dačka Marharet, 74-hadovaja Tryša Uiłsan. — Jana nie pje, i nam daviałosia znajści dla jaje pirožnaje, kab cukar dapamoh supakoicca paśla ŭzrušeńnia».
Marharet Simien pry dapamozie svaich niezvyčajnych viazanych tvareńniaŭ źbiraje hrošy na dabračynnaść i, pa jaje padlikach, sabrała ŭžo kala sta tysiač funtaŭ (120 tysiač dalaraŭ ZŠA pa ciapierašnim kursie).
Sandryhiem-chaŭs
Ale ciapier Simien źbirajecca, źviazaŭšy pry kancy hałoŭny karaleŭski pałac, syści na supakoj.
«Vočy ŭžo nie tyja, — tłumačyć jana. — Paśla Sandrynhiem-chaŭza ludzi mianie ŭvieś čas pytalisia, što dalej, nu i adzinaje, što zastavałasia — źviazać Bukinhiemski pałac».
