Pa słovach čynoŭnicy, niekatoryja pradaŭcy litaralna patrabujuć ad klijentaŭ, kab tyja nabyli pašyranuju harantyju na techniku. A ŭ niekatorych vypadkach pradaŭcy naohuł zajaŭlajuć, što akcyjnaja cana mahčymaja tolki pry apłacie dadatkovaj harantyi.
«Heta pramoje parušeńnie zakanadaŭstva ab abaronie pravoŭ spažyŭcoŭ», — padkreśliła Haŭrylčyk.
Pradstaŭnica MARH nahadała biełarusam, što na luby tavar u lubym vypadku dajecca harantyja ad vytvorcy. Płacić ža za pašyranuju harantyju varta tolki ŭ asobnych vypadkach, pračytaŭšy ŭsie ŭmovy. Bo časam navat dadatkovaja harantyja moža achoplivać nie ŭsie vidy pałomak.
U jakaści jašče adnaho prykładu naviazvańnia płatnych pasłuh Haŭrylčyk pryviała situacyju z rasijskim markietpłejsam Wildberries. Hetaja krama, nasupierak biełaruskamu zakanadaŭstvu, rabiła płatnym viartańnie tavaraŭ, jakija nie padyšli pakupniku pa pamiery.
