Kadr ź videa. Adzin z «dyviersantaŭ», jakija nibyta rychtavali terakty ŭ Prydniastroŭi
«Ministerstva dziaržaŭnaj biaśpieki PMR infarmuje ab praduchileńni teraktu. Złačynstva, pa ŭkazańni Słužby biaśpieki Ukrainy, rychtavali suprać šerahu słužbovych asob Prydniastroŭskaj Małdoŭskaj Respubliki. Padazravanyja zatrymanyja. Jany dajuć pryznalnyja pakazańni», — havorycca ŭ paviedamleńni.
Pavodle zajavy prakuratury «PMR», metaj było nibyta ŭstaranieńnie «pieršych asob dziaržavy».
«Terarystyčny akt pavinien byŭ być ažyćcioŭleny ŭ centralnaj častcy horada Ciraspala ŭ tym miescy, dzie mierkavałasia vialikaja kolkaść hramadzian», — skazaŭ tak zvany prakuror «PMR».
Pryparkavany aŭtamabil z uzryŭčatkaj nibyta pavinien byŭ zdetanavać u momant prajezdu prydniastroŭskich čynoŭnikaŭ. U mašynie nibyta znajšli 8 kh hieksahienu, a taksama šruby, hajki i pravady.
Raniej Minabarony Rasii raspaŭsiudziła infarmacyju pra toje, što ŭkrainskija siły ŭ najbližejšy čas płanujuć zładzić uzbrojenuju pravakacyju ŭ Prydniastroŭi. Ułady Małdovy i Ukrainy heta abvierhli.
Čytajcie taksama:
Čamu Małdova admaŭlajecca ad małdaŭskaj movy
Małdova pačynaje pacichu vychodzić z SND
Minabarony Rasii zajaviła pra «insceniroŭku nastupu rasijskich vojskaŭ z terytoryi Prydniastroŭja»