Biełaruskaha najmita, asudžanaha va Ukrainie, pieradali Rasii 2

Vajskoŭcy, jakich Ukraina pieradała Rasii ŭ abmien na svaich pałonnych. 7 sakavika 2023 hoda. Maksim Ziaziulčyk druhi sprava, za mužčynam u čornaj kurtcy

Maksim Ziaziulčyk znachodziŭsia ŭ aŭtobusie razam ź inšymi rasijanami. Jon bačny na videazapisie, raspaŭsiudžanym Ministerstvam abarony Rasii. Abmien adbyvaŭsia na miažy Ukrainy ź Biełharodskaj vobłaściu. 

Na terytoryi Rasii ŭsim byłym pałonnym pieradali pakiety z rečami. Taksama jany mahli ŭziać humovyja boty, jakija stajali na placoŭcy pierad stełaj z nadpisam «Biełharodskaja vobłaść».

Pra toje, što Ukraina ŭklučyła ŭ śpisy dla pieradačy Rasii pry abmienie vajennapałonnymi hramadzianina Biełarusi Maksima Ziaziulčyka, stała viadoma 6 sakavika. Raniej jon byŭ asudžany ŭkrainskim sudom na 10 hadoŭ źniavoleńnia.

Čytajcie taksama:

Ukraina ŭklučyła biełarusa, jakoha ličać supracoŭnikam KDB, u śpis dla abmienu pałonnymi

SBU: Uziaty ŭ pałon biełarus nasamreč pracavaŭ na biełaruski KDB i źbiraŭ infarmacyju jak pra Ukrainu, tak i pra rasijskija PVK

Va Ukrainie dali 10 hadoŭ turmy biełarusu, jaki vajavaŭ na baku Rasii ŭ pryvatnaj armii

1

0

1

0

0

10

Nashaniva.com