Fota: pixabay
Parłamienckaja delehacyja Vienhryi paviedamiła, što ratyfikuje zajaŭku na ŭstupleńnie Šviecyi ŭ NATA. Pa infarmacyi ahienctvaŭ Associated Press i TT, heta zajava była zroblena 7 sakavika padčas sustrečy vienhierskich i šviedskich parłamientaryjaŭ u Stakholmie.
Pa słovach vice-śpikiera vienhierskaha parłamienta Čaba Chiende, heta dazvolić palepšyć dvuchbakovyja adnosiny pamiž dźviuma krainami.
«My dakładna dali zrazumieć, što ŭrad Vienhryi, prezident Vienhryi, premjer-ministr i bolšaść vienhierskich parłamientaryjaŭ adnaznačna padtrymlivajuć zajaŭku Šviecyi na ŭstupleńnie ŭ NATA», — skazaŭ Chiende.
Pry hetym jon adznačyŭ, što hetaje rašeńnie dałosia nialohka. Niekatorym vienhierskim palitykam vielmi nie padabajecca, kali Šviecyja i inšyja krainy ES abvinavačvajuć Vienhryju ŭ parušeńni demakratyčnych norm.
«Było b vydatna, kab šviedskija palityki, pradstaŭniki ŭrada i čalcy parłamienta ES nie pakazvali i nie mieli na ŭvazie, što ŭ nas niby adsutničaje viaršenstva prava i demakratyja. Takija padazreńni zasnavanyja na niezasłužanych davieru faktach», — dadaŭ Chiende.
Jak paviedamlaje AP, parłamient Vienhryi źbiarecca ŭžo 20 sakavika, kab kančatkova prahałasavać za ŭstupleńnie Šviecyi ŭ Aljans.
Nahadajem, što Šviecyja i Finlandyja ŭ minułym hodzie vyrašyli aficyjna ŭvajści ŭ NATA na fonie vajennaha ŭvarvańnia Rasii va Ukrainu. Dla ratyfikacyi hetych zajavak nieabchodna zhoda ŭsich 30 krain błoka, ź jakich 28 ŭžo pahadzilisia. Astatnija dźvie, Vienhryja i Turcyja, pakul nie prahałasavali pa hetym pytańni.
Čytajcie jašče:
«Hieroj svabody słova». U Šviecyi stvaryli hulniu, što dazvalaje apynucca ŭ skury biełaruskich žurnalistaŭ
Polski vice-ministr: Biełaruś dla nas — maleńkaja fortka, a my dla ich — akno ŭ śviet
U subotu ŭ Rasiju z Hiermanii prylataŭ sanitarny bort. Pa kaho — nieviadoma
