Fota: instahram Aleny Leŭčanka
Zakončyła karjeru Alena ŭ Hrecyi. Leŭčanka pierajechała ŭ hetuju krainu ŭ kancy 2020 hoda, paśla taho, jak adsiadzieła 15 sutak na Akreścina pa abvinavačvańni va ŭdziele ŭ niesankcyjanavanym masavym mierapryjemstvie. U studzieni 2021 hoda Alena padpisała kantrakt z hrečaskim kłubam «Panacinaikas» i vyjhrała ź im tytuł čempijonki Hrecyi.
Potym u žyćci słavutaj spartsmienki była čarhovaja (siomaja) apieracyja ŭ jaje karjery, šmat padarožžaŭ pa Hrecyi i hramadskaja dziejnaść — biełaruska ŭ tym liku dapamahała hrekam źbirać ježu, leki i adzieńnie dla ŭkraincaŭ.
12 listapada Alena apublikavała post pra raźvitańnie z prafiesijnym baskietbołam, ale nie adrazu raspaviała, čym budzie zajmacca paśla zakančeńnia karjery. U kancy studzienia biełaruska napisała ŭ sacsietkach, što pakidaje Hrecyju.
6 sakavika Leŭčanka paviedamiła ŭ instahramie, što jana pierajechała ŭ Łos-Andželes, u ZŠA i ciapier budzie pracavać u kampanii Nike. Taksama biełaruska raspaviała, što za čas u Štatach paśpieła ledźvie nie trapić u avaryju — jak napisała Alena ŭ sacsietcy, «žyćcio prosta pramilhnuła pierad vačyma».
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Baskietbalistka Alena Leŭčanka skončyła karjeru. Voś jakim byŭ jaje šlach
Papoŭ: Naš vorah — nie taki vialiki, heta ŭsio tyja ž 3%, i jano vylezie
«Viarnusia, kali režym zžare siabie». Hetyja biełaruskija spartoŭcy źjechali z krainy
