Iłan Mask. Fota: AP
Pavodle jaho acenki, bahaćcie Iłana Maska vyrasła da 187,1 miljarda dalaraŭ na fonie rostu akcyj kampanii Tesla. Ź minimumu 6 studzienia 2023 hoda papiery vytvorcy elektrakaraŭ vyraśli ŭ košcie na 70% da 207,63 dalara za akcyju.
Asabisty kapitał Iłana Maska, pavodle viersii Bloomberg, pieravyšaje bahaćcie kiraŭnika hrupy kampanij Louis Vuitton Moët Hennessy Biernara Arno, jaki ŭznačalvaŭ rejtynh apošnija dva miesiacy. Pavodle źviestak ahienctva, kapitał Arno składaje 185,3 miljarda dalaraŭ.
Pavodle acenki časopisa Forbes, jaki składvaje rejtynh miljarderaŭ u režymie realnaha času, pieršaje miesca ŭ śpisie zajmaje Biernar Arno (206,3 miljarda dalaraŭ), na druhim znachodzicca Iłan Mask (197,7 miljarda dalaraŭ).
Iłan Mask u śniežni 2022 hoda sastupiŭ Biernaru Arno pieršaje miesca ŭ rejtynhach najbahaciejšych ludziej śvietu.
Bloomberg paviedamiŭ u śniežni, što Iłan Mask staŭ pieršym čałaviekam u historyi, jaki straciŭ bolš za 200 miljardaŭ dalaraŭ. Na piku ŭ listapadzie 2021 hoda bahaćcie Maska aceńvałasia ŭ 340 miljardaŭ dalaraŭ, u kancy 2022 hoda — u 137 miljardaŭ.
