«Zmahajemsia za adno i toje ž». Rasijanie vykarystali dla anonsa svajoj antyvajennaj akcyi adaptavany malunak Ceślera 14
Rasijskaja apazicyja dla praviadzieńnia antyvajennaj akcyi ŭ Čechii vykarystała malunak biełaruskaha mastaka Uładzimira Ceślera, krychu adaptavaŭšy jaho dla siabie, paviedamlaje «Biełsat». U biełaruskaj dyjaspary niekatoryja aburylisia i stali cikavicca, ci atrymali arhanizatary dazvoł ad aŭtara na adaptacyju aryhinalnaha tvora.
Sam Ceśler, adnak, nie suprać vykarystańnia i skazaŭ «Biełsatu», što nie bačyć tut nahody dla svarak.
«Kali b heta zrabiŭ Pucin — heta inšaja sprava», a tak «zmahajemsia za adno i toje ž».
Ź niadaŭniaha času, a asabliva paśla pačatku pucinskim režymam poŭnamaštabnaj vajny va Ukrainie rasijskaja apazicyja vykarystoŭvaje ŭ jakaści svajho simvała pratestu zamiest zdyskredytavanaha trykałora bieła-sinie-bieły ściah, jaki tolki adnym koleram adroźnivajecca ad našaha bieł-čyrvona-biełaha.