Fota: AP Photo/Andrew Harnik
Pad abmiežavańni trapili 22 hramadziana Rasii i 83 rasijskija kampanii, a taksama bolš za 30 kampanij z trecich krain, jakija dapamahajuć Rasii abychodzić sankcyi.
Siarod asob, jakija patrapili pad amierykanskija sankcyi, — rasijskija ministr enierhietyki, ministr pracy i sacabarony, ministr kultury, ministr sportu, kiraŭnik MNS i niekatoryja kiraŭniki rehijonaŭ.
Taksama ŭ śpis patrapili vice-premjerka Taćciana Holikava, namieśnik kiraŭnika Administracyi prezidenta Mahamiedsałam Mahamiedaŭ i viadučaja telekanała «Rośsija 1» Volha Skabiejeva.
Akramia hetaha, uviedzienyja vizavyja abmiežavańni ŭ dačynieńni da 1219 pradstaŭnikoŭ rasijskich Uzbrojenych sił.
Siarod kampanij, jakija trapili pad sankcyi, — Maskoŭski kredytny bank, MTS Bank, Bank Sankt-Pieciarburh, bank «Prymorje», SDM-Bank, Uralski bank rekanstrukcyi i raźvićcia, Urałsib, PVK «Redut». Uklučany ŭ hety śpis i technapark «Skołkava».
Akramia rasijskich kampanij, pad abmiežavańni ŭ novym pakiecie sankcyj trapiła bolš za 30 kampanij z trecich krain, jakija dapamahali Rasii abychodzić sankcyi, u tym liku ź niezakonnym abarotam zbroi i niezakonnym finansavańniem. Heta arhanizacyi sa Šviejcaryi, Bałharyi, Malty i Kipra.
Taksama z 10 sakavika 2023 hoda ZŠA ŭvodziać 200% pošlinu na impart aluminiju i aluminijevych praduktaŭ z Rasii.
Jeŭrasajuz da hadaviny rasijskaha ŭvarvańnia va Ukrainu taksama chacieŭ uvieści novyja sankcyi, ale nie paśpieŭ ich uzhadnić.
Čytajcie taksama:
Prezident Litvy: Litoŭskija kampanii, u dvarach jakich łunajuć ukrainskija ściahi, mohuć adnačasova dapamahać Łukašenku
Joźviak: Za vyvad biełaruskaha kaliju z-pad sankcyj vystupajuć Partuhalija, Bielhija, Niderłandy i Francyja
«U sankcyj nie musić być ščylin». Cichanoŭskaja prapanavała ES stvaryć adpaviednuju pracoŭnuju hrupu
