Ilustracyjnaje fota

Ilustracyjnaje fota

Kanhresmien Džek Bierhman dadaŭ, što amierykanskaja hramadskaść zasłuhoŭvaje «značna bolš adkazaŭ, čym atrymlivaje».

Za niekalki hadzin da hetaha telekanał ABC paviedamlaŭ pra zakryćcio častki pavietranaj prastory nad vozieram Mičyhan u štacie Viskonsin «dla dziejnaści Pientahona». Paźniej ahienctva Reuters paviedamiła ab zakryćci pavietranaj prastory ŭ adnym z rajonaŭ pravincyi Antarya ŭ Kanadzie.

Paźniej Reuters sa spasyłkaj na pradstaŭnika administracyi prezidenta ZŠA paviedamiła, što zahad źbić abjekt addaŭ prezident ZŠA Džo Bajden.

Z pačatku miesiaca ŭłady ZŠA i Kanady nie adnojčy paviedamlali ab parušeńni svajoj pavietranaj prastory latajučymi abjektami, piša RBK. Tak, 4 lutaha vajskoŭcy ZŠA źbili la ŭźbiarežža Paŭnočnaj Karaliny kitajski aerastat, jaki amal tydzień pravioŭ u pavietranaj prastory krainy. Na dumku Vašynhtona, pavietrany šar vykarystoŭvaŭsia dla špijanažu i zboru raźvieddanych i byŭ z adpaviednym abstalavańniem. U Piekinie heta abviarhajuć, zajaŭlajučy, što aparat užyvaŭsia ŭ mietearałahičnych metach i zalacieŭ na terytoryju Złučanych Štataŭ vypadkova. 

10 lutaha Bieły dom abviaściŭ, što ZŠA źbili aerastat nad Alaskaj. Abłomki ŭpali ŭ mora. Kamu naležaŭ aparat, u amierykanskaj administracyi nie ŭdakładnili. 12 lutaha nieapaznany abjekt byŭ źbity nad Kanadaj. Kamandavańnie abjadnanych sił pavietrana-kaśmičnaj abarony ZŠA i Kanady, jakoje pravodziła apieracyju, admoviłasia raskryć padrabiaznaści taho, što adbyłosia. Kanadski ministr abarony Anita Anand nazvała źbity abjekt pahrozaj hramadzianskaj avijacyi.

Jak paźniej paviedamiła the Globe and Mail sa spasyłkaj na krynicu, źbity nad Kanadaj aerastat byŭ raźviedvalnym pavietranym šaram kitajskaha abo rasijskaha pachodžańnia.

Клас
6
Панылы сорам
0
Ха-ха
1
Ого
2
Сумна
0
Абуральна
0