Śpiecyjalisty kampanii vyśvietlili, što sietka pracavała z Rasii, a jaje asnoŭnaj aŭdytoryjaj byli žychary Hiermanii, Italii i Vialikabrytanii. Ludzi, jakija stajać za hetymi ŭlikovymi zapisami, stvarali łakalizavanyja nieaŭtentyčnyja ŭlikovyja zapisy i dzialilisia kantentam na niamieckaj, italjanskaj i anhlijskaj movach, uzmacniajučy prarasijski punkt hledžańnia adnosna vajny va Ukrainie.
U ahulnym liku ŭ zabłakavanych rachunkaŭ było bolš za 130 tysiač padpisčykaŭ.
Taksama TikTok zabłakavaŭ hruzinskuju sietku, jakaja raspaŭsiudžvała prapahandu na ruskamoŭnych karystalnikaŭ. Pavodle acenak kampanii, sietka pracavała z Hruzii i aryjentavałasia na ruskamoŭnuju aŭdytoryju, u asnoŭnym u Kazachstanie, Biełarusi i Ukrainie.
«My viedajem, što prychavanyja apieracyi pa akazańni ŭpłyvu buduć praciahvać raźvivacca ŭ adkaz na naša vyjaŭleńnie, i sietki mohuć pasprabavać adnavić svaju prysutnaść na našaj płatformie.
Naprykład, u dadatak da sietak, raskrytych u hetaj spravazdačy, 365 dadatkovych ulikovych zapisaŭ byli identyfikavanyja jak takija, jakija naležać raniej vydalenym sietkam i paśla byli vydalenyja», — havorycca ŭ paviedamleńni kampanii.
