Fota: čytač «Minsk-Naviny»
«Moža, ja pamylajusia, nie ŭvažliva pračytaŭ PDR. Ale jak kiroŭca pavinien pastupać u situacyi, kali taki darožny znak u PDR nie isnuje?!» — aburyŭsia čytač.
Adkaz na zvarot dali ŭ DAI HUUS Minharvykankama. Tam adznačyli, što ŭ 2022 h. ukazam №145 «Ab udaskanaleńni arhanizacyi darožnaha ruchu» ŭniesienyja źmianieńni ŭ Praviły darožnaha ruchu.
Razam z novymi terminami i paniaćciami ŭ PDR zjavilisia novyja znaki i znaki dadatkovaj infarmacyi (tablički), patrabavańniami jakich pavinny kiravacca ŭdzielniki darožnaha ruchu.
Adna z takich tabličak 7.5.9 «Ciomny čas sutak» (paŭmiesiac z zorkami) rehłamientuje dziejańnie darožnaha znaka pa časie sutak. Heta značyć, u pakazanym na fota vypadku abmiežavańnie chutkaści dziejničaje tolki ŭ ciomny čas sutak. A pavodle PDR, heta pramiežak času, jaki pačynajecca paśla zachodu sonca i zakančvajecca ź jaho ŭzychodam.
Tablička 7.5.9 moža ŭstaloŭvacca i ź inšymi darožnymi znakami.
