Fota: UNIAN
Ministerstva abarony Ukrainy pryniało rašeńnie całkam adyści ad savieckich standartaŭ charčavańnia ŭ vojsku i raspracavać novyja varyjanty mieniu dla ŭkrainskich vajskoŭcaŭ. Pra heta napisaŭ kiraŭnik profilnaha ministerstva Alaksiej Reźnikaŭ na svajoj aficyjnaj staroncy ŭ fejsbuku.
Reźnikaŭ padkreśliŭ, što ŭ Minabarony i USU zaŭsiody była nulavaja talerantnaść da karupcyi.
Ministr abarony dadaŭ, što ŭ padkantrolnym jamu ministerstvie i va Uzbrojenych siłach Ukrainy bolš nie pavinna adbycca takich nieparazumieńniaŭ, jak skandał z zakupkaj praduktaŭ pa zavyšanych cenach.
Kab zapuścić hety praces, Alaksiej Reźnikaŭ budzie prasić arhanizavać sumiesnaje pasiadžeńnie dvuch kamitetaŭ, bo spatrebicca skancentravać śpiecyjalistaŭ i zabiaśpiečyć nieabchodny impuls.
Taksama stvorać pracoŭnuju hrupu, jakaja adpracuje pytańnie stvareńnia novaha mieniu dla vajskoŭcaŭ pa ŭsich vymiareńniach — ad pracedury ŭkaranieńnia da źmiestu mieniu.
Akramia taho, kiraŭnik Minabarony paabiacaŭ, što asabista źvierniecca da rynku z prośbaj padtrymać pierachod na sistemu mieniu.
«Taksama ja budu znachodzicca ŭ pastajannym dyjałohu z rynkam, kab zabiaśpiečyć stabilnaje charčavańnie na praciahu pierachodnaha pieryjadu»,— skazaŭ jon.
Jakim budzie mieniu dla vajskoŭcaŭ pa nataŭskich standartach?
Kiraŭnik Minabarony patłumačyŭ, što isnujuć asablivyja patrabavańni da siłkavańnia vidaŭ, rodaŭ i sił USU. Jość VMS, desantniki, avijacyja sa svaimi asablivaściami. Jość adroźnieńni pamiž charčavańniem u palavych umovach na froncie i ŭ punkcie pastajannaj dysłakacyi. I ŭsie hetyja adroźnieńni nieabchodna ŭličyć.
Taksama dla ŭkrainskich vajskoŭcaŭ raspracujuć viehanskaje, chalalnaje, kašernaje mieniu i posnaje mieniu chryścijanskaj tradycyi.
21 studzienia žurnalist Juryj Nikołaŭ zajaviŭ, što Ministerstva abarony raskradaje biudžetnyja srodki, zavyšajučy ceny na pradukty charčavańnia dla Uzbrojenych sił Ukrainy. Miarkujučy pa dakumientach, jakija apublikavali žurnalisty, viedamstva zamoviła jajki pa 17 hrn za štuku i bulbu pa 22 hrn za kh, choć u Kijevie razdrobny košt składaje 7 i 9 hrn adpaviedna.
ŝo - i draniki buduć?