Pra heta jon skazaŭ u intervju niamieckamu vydańniu Welt, piša «Jeŭrapiejskaja praŭda».
«Niama nijakich prykmiet taho, što prezident Pucin źmianiŭ svaju metu — daminavać va Ukrainie. Ništo nie pakazvaje, što jon rychtujecca da miru. Jon hatovy achviaravać dziasiatkami tysiač rasijskich sałdat u hetaj zusim nieapraŭdanaj vajnie. Jon mabilizavaŭ bolš za 200 tysiač vajskoŭcaŭ, płanuje mabilizavać jašče bolš i aktyŭna pracuje nad tym, kab atrymać bolš zbroi ad inšych aŭtarytarnych dziaržaŭ, jak Iran i Paŭnočnaja Kareja. My viedajem, što Rasija płanuje novyja nastupy, i my pavinny być da ich hatovyja. Voś čamu tak važna, kab my praciahvali ŭzmacniać našu padtrymku Ukrainy», — skazaŭ Stołtenbierh.
Pavodle jaho słoŭ, bolšaść vojnaŭ zakančvajecca za stałom pieramoŭ, ale toje, čaho Ukraina moža dasiahnuć u takich pieramovach, nieparyŭna źviazana z vajennaj situacyjaj.
«Tamu kali my chočam znajści rašeńnie, pry jakim Ukraina vyžyvie jak suvierennaja i svabodnaja kraina, to dziejničać nieabchodna ŭžo ciapier. Bolš ciažkaj techniki dla Ukrainy absalutna nieabchodna. Voś čamu ja vitaju lubuju abjavu ab pastaŭkach asnoŭnych bajavych tankaŭ va Ukrainu», — skazaŭ hienieralny sakratar NATA.
Stołtenbierh taksama ličyć, što na hety momant ryzyka prymianieńnia Rasijaj jadziernaj zbroi nizkaja.
«Ale rasijskaja jadziernaja rytoryka absalutna biezadkaznaja. Jana niebiaśpiečnaja. Rasija pavinna viedać, što jadziernuju vajnu nikoli nie vyjhrać, i tamu jaje nikoli nie varta pačynać. Viadoma, my vielmi ŭvažliva sočym za tym, što robić Rasija, i pakul što nie bačym nijakich źmienaŭ u rasijskich jadziernych siłach. Kali b heta było tak, my b, viadoma, adreahavali», — skazaŭ jon.
