Vachtanh Kikabidze zaŭsiody byŭ vialikim siabram Ukrainy i lubiŭ byvać tam z kancertami. U 2013 hodzie jamu było navat prysvojena zvańnie zasłužanaha artysta Ukrainy.
Nie zastavaŭsia Kikabidze ŭbaku i tady, kali Ukraina sutykałasia z pahrozami. U lutym 2022 hoda jon vystupiŭ z asudžeńniem uvarvańnia Rasii va Ukrainu, a ŭ žniŭni minułaha hoda vydatkavaŭ uvieś zbor ad svajho jubilejnaha kancerta na dapamohu USU.
Uličvajučy takuju rolu Ukrainy ŭ jaho žyćci, siamja Kikabidze pryniała rašeńnie, što jahonaja truna budzie pakrytaja dvuma ściahami — hruzinskim i ŭkrainskim.
Na pachavańni budzie prysutničać ministr kultury Ukrainy Alaksandr Tkačenka, jaki začytaje zajavu ad prezidenta Ukrainy Uładzimira Zialenskaha.
Kikabidze pachavajuć na Vieryjskich mohiłkach u Tbilisi, pobač z mahiłaj maci. Takim było jahonaje ŭłasnaje žadańnie.
Čytajcie taksama:
Pamior akcior Vachtanh Kikabidze
«Žurnalist napisaŭ, što pryjechali ruskija artysty. Nam było kryŭdna vielmi». Apošniaje intervju Vachtanha Kikabidze
