Fota: AP
Mienavita hetuju ŭmovu nazvaŭ jak asnovu dla naładžvańnia mirnaha dyjałohu Uładzimir Pucin u razmovie z prezidentam Turcyi Radžepam Taipam Erdahanam u pačatku studzienia.
Pa słovach Blinkiena, ZŠA ličać takuju pazicyju kontrpraduktyŭnaj.
«Rasijskija patrabavańni da Ukrainy pryznać novyja terytaryjalnyja realii nieprymalnyja i nie dazvalajuć naładzić pierahavorny praces», — zajaviŭ dziaržsakratar padčas sumiesnaha bryfinhu ź ministram zamiežnych spraŭ Vialikabrytanii Džejmsam Klevierli.
Klevierli ŭpieršyniu pryjechaŭ ź vizitam u Vašynhton u jakaści kiraŭnika Foryn Ofisa.
Brytanija i ZŠA zhodnyja ŭ tym, što samy chutki šlach da zaviaršeńnia hetaj vajny i pierachodu da dypłamatyi — uzmacnieńnie pazicyj Ukrainy na poli boju.
Blinkien i Klevierli zapeŭnili, što ich krainy praciahnuć zabiaśpiečvać Ukrainu ŭsim nieabchodnym dla paśpiachovaha supraćstajańnia rasijskaj ahresii.
