Pra heta jon skazaŭ u svaim vystupie ŭ Jeŭraparłamiencie.
«Užo amal hod Rasija realizuje stratehiju razbureńnia i teroru, sprabujučy bombami prymusić ukraincaŭ padparadkavacca. My bačym hety padychod u Bachmucie, u Saladary, z apošniaha — u Dniapry. Ale ŭkraincy supraciŭlajucca i praciahvajuć baraćbu. A my, Jeŭrasajuz, praciahniem padtrymlivać ich stolki, kolki budzie nieabchodna. My praciahniem vajskovuju padtrymku dziakujučy pašyreńniu Jeŭrapiejskaha fondu pa padtrymańni miru. Ciapier čas dziejničać. Ukrainie terminova treba bolš uzbrajeńnia, i asabista ja vystupaju za toje, kab dać Ukrainie tanki», — zajaviŭ jon.
Prezident Jeŭrakamisii Ursuła fon der Lajen raniej taksama vykazałasia za pieradaču Ukrainie tankaŭ.
Polšča na minułym tydni vykazała hatoŭnaść dać Ukrainie tanki Leopard 2, ale razam z partniorami.
Na hetym tydni Brytanija pieršaj anansavała pieradaču Ukrainie svaich tankaŭ Challenger 2.
