Entani Blinkien. Fota: AP Photo / Carolyn Kaster
Vizit Blinkiena płanujecca na 5-6 lutaha. Padčas jaho, jak čakajecca, amierykanski dziaržsakratar praviadzie pieramovy z kiraŭnikom MZS Kitaja Cyń Hanam.
U Piekinie ŭžo aficyjna zajavili, što vitajuć vizit i što «baki ciapier abmiarkoŭvajuć asobnyja detali».
Blinkien stanie pieršym vysokapastaŭlenym pradstaŭnikom administracyi Džo Bajdena, jaki naviedaje Kitaj. Apošni raz dziaržsakratar ZŠA pryjazdžaŭ u Piekin u 2018 hodzie, kali prezidentam byŭ jašče Donald Tramp.
Zatoje 8 žniŭnia minułaha hoda tahačasnaja śpikierka Pałaty pradstaŭnikoŭ ZŠA Nensi Pełasi naviedała Tajvań, jaki Kitaj ličyć svajoj terytoryjaj, ale z kanca 1940-ch nie kantraluje. Tady vizit vyklikaŭ bujny mižnarodny skandał, kitajcy navat pahražali źbić samalot Pełasi, ale ŭrešcie vymušanyja byli pakinuć hety vizit biez surjoznych nastupstvaŭ.
Čytajcie taksama:
Pucin zaprasiŭ Si, a toj nijak nie adreahavaŭ
Si Czińpin karystajecca vajnoj dla ŭzmacnieńnia ekanamičnaha ŭpłyvu ŭ Rasii
Bajden abniaŭ Si Czińpina pierad pačatkam pieršaj asabistaj sustrečy dvuch lidaraŭ
