Ursuła fon der Lajen. Fota: AP Photo/Markus Schreiber
Pa słovach fon der Lajen, novy pakiet «budzie zasiarodžany na tym, kab zakryć ščyliny i skončyć z abychodami [abmiežavańniaŭ]».
Staršynia Jeŭrakamisii taksama paabiacała praduhledzieć «vielizarnyja nastupstvy» dla tych, chto abychodzić raniej uviedzienyja sankcyi.
Raniej paviedamlałasia, što novy pakiet padrychtujuć da hadaviny pačatku vajny. Litva i Polšča — krainy, jakija vystupajuć z najbolš strohich pazicyj — majuć namier damahčysia ŭviadzieńnia sankcyj suprać rasijskaha jadziernaha siektara i abmiežavańniaŭ na handal ałmazami.
Papiaredni, dziaviaty, pakiet sankcyj ustupiŭ u siłu 16 śniežnia. U jaho ramkach u niekalkich rasijskich telekanałaŭ byli adklikanyja licenzii na viaščańnie ŭ ES, a taksama byŭ zabaronieny ekspart u Rasiju avijacyjnych ruchavikoŭ. Biełaruski režym toj pakiet nie zakranuŭ, jak paźniej vykazvalisia zdahadki, mahčyma, pa prośbie Ukrainy.
Čytajcie taksama:
Ursuła fon der Lajen paabiacała Rasii «dziesiacihodździ recesii» z-za sankcyj
Novy pakiet sankcyj Jeŭrasajuza mohuć prymierkavać da hadaviny pačatku vajny
«Łohika ŭkraincaŭ adnosna sankcyj suprać łukašenkaŭcaŭ — u biełaruskich intaresach taksama»
