Palihon «Lepielski» — adzin ź pieršych, na jaki pačali prybyvać, prykładna z 18 kastryčnika 2022 hoda, ešałony z rasijskaj technikaj i vajskoŭcami paśla abviaščeńnia sumiesnych vučeńniaŭ tak zvanaj rehijanalnaj hrupoŭki vojskaŭ Biełarusi i Rasii.
Pa stanie na 12 studzienia 2023 hoda na palihon usio jašče praciahvali pryjazdžać rasijskija vajskoŭcy. Pry hetym adbyvajecca pastajannaja pravierka 19-j hvardziejskaj asobnaj miechanizavanaj bryhady, što raźmiaščajecca ŭ vioscy Zasłonava pry palihonie. Naprykład, 9 studzienia 2023 hoda tankavy bataljon bryhady pačaŭ marš-kidok da 227-ha ahulnavajskovaha palihona pad Barysavam. Da hetaha 13—18 śniežnia była praviedziena pravierka hatoŭnaści dziažurnych siłaŭ hetaj ža bryhady.
Ahulny vyhlad palihona «Lepielski». 6 studzienia 2023 hoda
Na palihonie vidać šmat techniki, siarod jakoj možna zaŭvažyć, vierahodna, KAMAZy, tanki i BMP. Ahulnaja kolkaść techniki — nie mienš jak 150 adzinak. Z uschodniaha i zachodniaha bakoŭ možna pabačyć dva palavyja łahiery prykładna na 14 i 30 namiotaŭ, kožny namiot prykładna 10 na 5 mietraŭ.
Terytoryja vajskovaha palihona «Lepielski» z vajskovaj technikaj i dvuma palavymi łahierami. 6 studzienia 2023 hoda
Vučeńni na palihonie «Lepielski» 13—18 śniežnia 2022 hoda
Na poŭnač ad palihona — čyhunačnaja stancyja «Zasłonava», ad jaje praz vajskovy haradok i les idzie daroha prosta da palihona.
Ahulny vyhlad čyhunačnaj stancyi «Zasłonava» kala palihona «Lepielski». 6 studzienia 2023 hoda
Na čyhunačnaj stancyi vidać dva ešałony z vahonami i płatformami dla pahruzki techniki. Pa cieniach, jakija adkidaje hetaja technika, možam mierkavać, što heta ŭ asnoŭnym tanki ci BMP, taksama jość hruzavyja mašyny.
Na spadarožnikavym zdymku vidać, što na bazie zachoŭvańnia techniki častka jaje vyviedzienaja z haražoŭ. Dla paraŭnańnia prykładajecca zdymak, zrobleny ŭ pieryjad z 13 pa 18 śniežnia 2022 hoda. Bačna, što hetyja haražy vykarystoŭvajucca dla zachoŭvańnia bajavych mašyn piachoty. Mierkavana, na zdymku mienavita jany.
Baza zachoŭvańnia techniki kala palihona «Lepielski». 6 studzienia 2023 hoda
Čytajcie taksama:
U Łunincy pravodziać chutkuju madernizacyju kazarmaŭ dla rasijskich vajskoŭcaŭ
Startavali sumiesnyja biełaruska-rasijskija lotnyja vučeńni
«Dzikavatyja, panuryja, šukajuć žonak». Žychary Asipovičaŭ pra rasijskich vajskoŭcaŭ
Try čverci zapłanavanych na hety hod vučeńniaŭ ADKB źbirajucca pravieści ŭ Biełarusi
